30 júlí 2007

Britain's next top... mass murderer???

Var að frétta af sjónvarpsþætti sem hefur gengið hjá frændum vorum Bretum undanfarið. Simon úr Idolinu er með þetta og virðist sem hann geti endalaust mjólkað sama fyrirbærið bara með því að gefa því nýtt nafn. Því hver er munurinn á Idol og X-factor og Britain's got talent?

Basically enginn.

Nema hvað. Sigurvegarinn í fyrstu seríunni (eða ætti maður að segja FYRRI seríunni) af þessum nýjasta þætti er feitur Walesbúi með ljótar tennur (OK, lýsingin gæti átt við alla sem koma frá Wales. Og Liverpool.) og hann ber hið óheppilega nafn Paul Potts.

Kambódíumenn eru brjálaðir. "Khmer er þessi Paul Potts?" er haft eftir menntamálaráðherra þeirra. Ekki náðist í Valgerði Sverrisdóttur þrátt fyrir ítrekaðar tilraunir.

En ekki nóg með að hann heiti í höfuðið á kolbrjáluðum harðstjóra og stríðsglæðamanni. Onei. Heldur frétti ég það í gær að í úrslitaviðureigninni hefði hann "unnið sex ára stelpu" eins og það var orðað.

Má það? Veit Femínistafélagið af þessu?

Eru menn farnir að nota stúlkubörn sem verðlaunagripi í raunveruleikasjónvarpi?

1 ummæli:

Benni sagði...

2 mínútur.