17 maí 2006

Eyþór "Guð" Arnalds

Eins og alþjóð veit náði farsæll ferill Eyþórs Arnalds hápunkti sínum árið 1988 þegar hann stjórnaði upptökum á sjötommuplötu Mosa Frænda, "'Ástin sigrar (?)"/Katla Kalda.

Nú hefur hann náð botninum.

Geir Harði reyndi að nota tækifærið til að sannfæra engan annan en þann sem heldur að allt sem komi frá formanni Sjálfstæðisflokksins sé satt. Sem þýðir að statementið hans var algjör tímasóun því það sannfærði engan sem þurfti að sannfæra. Hann sagði semsagt að gjörðir Eyþórs (EFTIR AÐ HANN VAR BÖSTAÐUR) sýni að sjálfstæðismenn skorist ekki undan ábyrgð.

Skoðum það aðeins:

Hann sest fullur undir stýri. Það út af fyrir sig er ábyrgðarlaust. Ég veit það, ég hef oft gert það.

Hann keyrði á ljósastaur. Það er ábyrgðarlaust. Ég veit það, þó ég hafi aldrei gert það.

Hann stakk af. Það er ábyrgðarlaust. Ég veit það, ég hef stundum gert það.

Hann fékk kærustuna sína til að setjast undir stýri, þó hún væri drukkin líka. Það er ekki bara ábyrgðarlaust. Það er til skammar. Sjáiðið þetta ekki fyrir ykkur: "Þú verður að keyra elskan, ég er í framboði, þetta má ekki skaða feril minn í stjórnmálum, sem er reyndar í klessu eftir að mér mistókst að vinna traust manna til að komast hátt á framboðslista í Reykjavík og verð því nú að gera mér að góðu einhverja helvítis sveitapólitík... ha? á ég að þegja og setjast uppí?"

Hann ætlar beint í meðferð, þó að honum finnist hann ekki hafa átt í drykkjuvandræðum til þessa. Það er ekki bara ábyrgðarlaust (ef þú heldur að þú sért ekki alki, ekki taka plássið frá einhverjum sem þarf á því að halda) heldur líka pjúra afneitun.

Hann ætlast til þess að geta valsað inn í bæjarstjórn í Árborg þegar hann er búinn að afplána dóm eða sviptingu og klára meðferðina. Það er bæði ábyrgðarlaust og hrokafullt. Ég skora á alla íbúa Árborgar að strika nafn Eyþórs út af kjörseðlinum næsta laugardag.

Og hvað ætlar hann svo að gera þegar hann skellir sér bláedrú út í landsbyggðarpólitíkina?

1. Breyta nafni sveitarfélagsins úr Árborg í Tuborg.
2. Breyta nafni D-listans í Vínlistann.
3. Koma á strætóferðum milli Árborgar og Reykjavíkur. Svo hann komist á barinn án þess að þurfa að keyra.
4. Láta setja upp ljósastaura á Hellisheiðinni, bara í töluverðri fjarlægð frá veginum, til öryggis.
5. Afnema ríkiseinokun í áfengissölu, svo maður geti fengið sér sjúss á bensínstöðvum.

Feitibjörn er hneykslaður í dag.

4 ummæli:

Pollýanna sagði...

Góður :o))

Immagaddus sagði...

Immagaddus með texta búinn til úr.
Lagi eftir Toddann.
Stúlkuna sem kyssti á stein.

Word verif: ekgcdxi.

hljóðið sem heyrðist þegar staurinn straukst við afturhásinguna á jeppanum.

immagaddus segir....

Immagaddus sagði...

Næsta wordverif.
er yqvaqbsb.
Það sem sjálfsstæðisgaurinn sagði 4 sekúndum eftir að jeppinn stoppaði.

Immagaddus sagði...

Þar næsta Wordverif:
Er xpjaosu.
konan hans að svara.

Immagaddus segir....