Orðinn straight aftur

Þá er þessu drag/pride dæmi loksins lokið í bili og bleiki liturinn farinn af síðunni. Eina sem er eftir að klára er hver skuldar hverjum hvað og hvað á hver að fá í vasann. Rýtingar eru strax farnir að stingast í bök útaf þessum fáu krónum sem komu í kassann.

Gaman að segja frá því að ég hitti nemanda minn í bænum á pridedaginn og hún sagði mér að mamma sín væri í sjokki eftir að hafa séð mig í fjölmiðlum að setja upp skemmtisýningu á Gauknum. Taldi það næg sönnunargögn um að kennari barnsins síns væri sódómískur pervert.

Mitt fyrsta verk eftir keppniskvöldið (þegar ég vaknaði daginn eftir semsagt) var að fara uppá DHL og sækja nýju United-treyjuna mína. Allur útí glimmeri, mjög fyndið. En treyjan er gasalega lekker og fer voða vel við augnlitinn minn og.... (KRASS BANG BÚMM)

afsakið hlé

Við biðjumst velvirðingar á þessu relapsi, sem nú er búið að laga.

Eitthvað verið að spá í sumarbústaðaferð áður en vinnan skellur á í næstu viku, tengdó að fara á límingunum af stressi, enda aðeins 6 dagar til stefnu og heilir 57km í bústaðinn. Sem betur fer er hann búinn að sjóða matinn (síðan á föstudag) þannig að við ættum ekki að þurfa að láta matarinnkaup tefja okkur (þau taka auðvitað rúma viku þannig að þá tæki því ekki að fara)... nema við viljum fá ætan mat.

Og kellingin búin að plata mig með í IKEA í dag. ARggh!! Jæja, það er þó ÁTVR við hliðina soleiðis að ferðin verður ekki alveg gersamlega gagnslaus. Gott að nota tækifærið áður en við þurfum að skila Þórsmerkurjeppanum ógurlega. (MENTAL NOTE: setja inn Þórsmerkurferðasögu við tækifæri)

Og svo er maður boðinn í mat til Þóru vinkonu, samt ekki heima hjá henni í Sörlaskjólinu, heldur hjá mömmu hennar. Sem býr sem betur fer nálægt Rauða Ljóninu svo maður skýst þangað að horfa á Júnæted spila við the champions of Hungary. Og ef þeir tapa þá verða þeir sendir matarlausir í rúmið. (Think about it.)

Af gefnu tilefni skal það tekið fram að Þóra tengist á engan hátt manninum sem gekk í sjóinn við Sörlaskjól í gær.