Ein slakasta verslunarmannahelgi ever!

og þá meina ég í þeirri merkingu að maður var að slaka á

reyndar var ég í bænum á föstudagskvöldinu og þvældist á milli staða, lenti á kjaftatörnum við Áka á Næsta bar, Guðjón á MSC og Ómel á Cozy, og náði sléttum tveggja tíma svefni áður en ég þurfti að vakna í útvarpsviðtal

hjá Eiríki Jónssyni á Talstöðinni, sumir hafa kannski myndað sér skoðun á honum en mér fannst hann fínn

honum fannst ég fæddur til að vera í útvarpi og leyfði mér ekki að fara fyrr en allur þátturinn var búinn

Ellý Ármanns þula var líka á svæðinu og er orðin Roxie-fan

Jón Bjarnason (ekki afi hennar Rósu) alþingismaður kom og fjasaði eitthvað um launakjör en það hlýtur að hafa verið hápunktur þáttarins þegar Eiríkur spurði hann hvort hann hefði farið í kjól, og hvort hann væri til í að koma fram sem special guest star á Drag-keppninni, þá sagði ég að það mætti ekki því ég hefði alltaf gert út á það að vera ljótasta, feitasta og elsta dragdrottning Íslands og hann myndi stela þeim titli af mér!

við hjónin fórum svo í bústað á laugardag, tókum það mjög svo rólega enda svosem ekkert súper veður

keyrðum svo uppí Borgarfjörð (frá Laugarvatni, um Þingvelli, Kaldadal, Uxahryggi og Lundarreykjardal) og sú bílferð var tær snilld, mjög fallegt scenery og svoleiðis

gistum í nótt á glænýju Icelandair hóteli rétt utan við Borgarnes, sem reyndist ljótasta hótel heimsins að utan en var mjög töff að innan, auk þess sem útsýnið var to die for

samt ýmislegt óklárað á hótelinu, til dæmis var rósavín á vínseðlinum en ekki til í raun og veru, en maturinn var fínn, rúmin þægileg, sturtan alveg geðveik

og nú er það orðið ljóst að ég er að verða gamall, því ég kom með óklárað áfengi í bæinn!