Sá ég spóa suðrí flóa syngur lóa útí móa bíbíbíbí...

...það er farið að snjóa!

En ókei maður getur ekki mikið kvartað. Eða jú maður gæti það náttúrulega, og gerir eflaust. En það var komið svo mikið vor um daginn að það gat bara ekki verið satt. Og mars næstum því hálfnaður (20 vinnudagar eftir og þá er komið páskafrí, ekki að Páski fari þó í frí...) þannig að það er bjart framundan.

Einhver fjandinn hefur gerst með stundatöfluna mína um áramótin, en síðan þá eru vikurnar bara helvíti fljótar að líða. Þannig að með sama áframhaldi verð ég bráðum kominn í sumarfrí.

Ekki að ég fari í sumarfrí, ég verð víst að vinna eitthvað.

Samt að spá í að reyna að þrauka fram yfir HM með að fá mér fulltimedjobb. Ég verð á einhvers konar launum eitthvað fram á sumarið frá skólanum, en svo er ég líka hættur þar for good. Gæti hugsanlega þurft að hætta fyrr, ef Tinna Þjóðleikhússtjóri kveikir á hugmynd sem ég fór með til hennar í vikunni. Reynslan af leikhússtjórum er hins vegar sú að þeir kveikja afar sjaldan á hugmyndum nema 1) þeir eigi þær sjálfir, eða 2) þær komi frá vinum þeirra.

Næsta vetur verð ég svo að öllum líkindum í Háskóla Íslands. Kennó var með einhverja stæla og ég get ekki klárað á einu ári það sem mig vantar, en HÍ býður upp á þann valkost. Þannig að ég er að fara að búa til umsókn, skrifa ritgerð um kennarastarfið, fá meðmæli og svo framvegis.

Gin og tónik-kaflinn
Í desember tapaði ManUnited fyrir Benfica og féll úr Evrópukeppni. Sirkusfríkin vinir mínir sem halda með Loserpool (Jóhann risi, skeggjaða konan, fílamaðurinn og fituhlunkurinn) hafa gert stanslaust grín að mér síðan þá. Evrópukeppnin fór í jólafrí. Svo hófst hún aftur og nú í vikunni töpuðu morðingjarnir í Liverpool fyrir Benfica. Og féllu úr keppni.

Revenge is a dish best served cold.

Svo lítur út fyrir að það séu til meiri peningar á Akranesi en maður hélt, þeir kaupa og kaupa mannskap. Best að vera bara eins heimskur og púllara-aulinn sem sagði á þriðjudaginn: Þessi bikar er í höfn.

Og nú má Páski byrja aftur að lesa
Slobodan Milosevic dó í gær. Hann stóð fyrir þjóðarmorði í Júgóslavíu, var með Hitleríska drauma um Stór-Serbíu, og hafði verið í varðhaldi í Hollandi í nokkur ár meðan réttað var yfir honum fyrir stríðsglæpi. Þar kom hann fram af þeim hroka sem aðeins sýfilis getur orsakað.

Fjölskylda hans er brjáluð, kennir stríðsglæpadómstólnum um að hann hafi látist. Af eðlilegum orsökum. Á sjötugsaldri. Maður skilur það svosem. Hann hlýtur að hafa verið búinn að lofa þeim að hann væri ódrepandi. Jafnvel guðlegur. Kannski startast núna ný trúarbrögð, kennd við Slobodan. Táknið yrði ekki kross, heldur klefi með rimlum.

Fráleitt?

Ég er feitibjörn.

Ummæli

Nafnlaus sagði…
En hvað mér finnst sniðugt þegar þú segir mér hvenær ég á að hætta að lesa og hvenær ég á byrja aftur - takk fyrir það :) og ég ætla nú barasta víst í smá frí - stefnan tekin á NY í lok apríl :))
Immagaddus sagði…
Þetta með Liverpoolmennina.
Ég á í vandræðum með að vita hver ég er af þessari upptalningu.
Passar næstum all við mig.

Vord verifacation dagsins.
Olvyzu.
sem eru pólsk buxnainnlegg.

Vinsælar færslur af þessu bloggi

Jólabjórrýni Feitabjarnar 2021

Jólabjórrýni Feitabjarnar 2022

Feitibjörn tekur pásu