24 febrúar 2006

25 skammdagar eftir

Í morgun sá ég útlínur Esjunnar frá Vesturlandsvegi við Úlfarsfell í fyrsta sinn í marga mánuði. Klukkan var sjö fjörutíu og ég var í strætó á leiðinni í vinnuna. Þetta eru mikil tímamót því ég hata fátt meira en að ferðast í myrkri nývaknaður og óhress.

Vinnan stóð sem betur fer blessunarlega stutt (eins og alltaf á föstudögum... og jú let's face it þetta er nú ekki mjög krefjandi eða tímafrek vinna nema þú sért algjör fáviti -- sem að sjálfsögðu flestir kennarar eru fyrir utan mig) og fátt um vesen fyrir utan tossana tvo sem reyndu að svindla í söguprófi hjá mér. Og komu svo bara með sögur þegar ég böstaði þá.

Svo tók við langt ferðalag frá Kjalarnesi vestur á Seltjarnarnes. Því ég hóf þar bankaviðskipti í barnæsku, í Útvegsbankanum sem þá stóð við Nesveg skáhallt á móti Vegamótum, og er þessvegna nú VIPkúnni númer 593 í Íslandsbanka. MasterCard númerinu mínu hafði verið stolið og nauðsynlegt að loka númerinu og nú þurfti ég að sækja nýtt kort. Ég er auðvitað með erkitýpískt MasterCard sem gagnast ekki nema til að kaupa eitthvað priceless. Því ég er búin að maxa það fyrir árið. Gleðileg jól.

Í strætó frá Nesinu hitti ég Helgu frænku og gat sagt henni að leikritið sem hún keypti handa mér um daginn hafi komið mér til að meila Tinnu Gunnlaugsdóttur og biðja um fund. Hvað finnst ykkur annars, ætti ég frekar að fara út í leikgerð á nýju bókinni hans Andra Snæs? Það er eins konar sjálfshjálparbók handa íslensku þjóðinni. Hann kom víst á uppfærsluna mína í Brún í hitteðfyrra og hreifst mjög (sagði allavega að þetta hefði rústað Þórhallsuppfærslu í Þjóðleikhúsinu...)

Keypti mér miða á Megas, GodKrist, Hilmar Örn (Agnarsson) og kammerkór Biskupstungna í Hallgrímskirkju á morgun. Should be dope. Fór svo í ríkið og rogaðist heim með bjór fyrir fjölskylduna. Næst á dagskrá er að rúlla á Grand Rokk og fá sér Murphy's og keppa í Drekktu betur, með Georg með mér í liði. Í fyrramálið er hardcore dæmi þar sem ég hjálpa Helgu Rún og Alla vinum mínum (og ofvirknissjúklingum dauðans, frá helvíti, í öðru veldi, í gegnum stækkunargler) að flytja. Seldu flotta húsið sitt við Tryggvagötu og eru að flytja í stærra í Vogunum.

Sunnudagurinn skiptist á milli Hafnarfjarðar (Elsa úr táknmálsfréttunum er mega góð leikkona) og tjah... sennilega Players til að horfa á United-Wigan.

Góða helgi!

Ég er feitibjörn

Engin ummæli: