mér er íllt í fótnum...!

Jæja, hvernig líkar fólki við nýja lúkkið hjá mér? Fyrir utan að einhverjir bráserar taka því illa. Við höfum þetta svona bleikt í bili í tilefni af Gaypride. Nú er alltaf að styttast í dragkeppnina frægu, og ekki laust við að þetta lofi góðu. Það sem við höfum séð til keppenda segir okkur allavega að þetta verður mjög svo fjölbreytt. Svo er maður að frétta það að fyrrverandi keppendur séu að eipa á bloggsíðum sínum að drepast úr öfund eða eitthvað... ég nefni engin nöfn en það hljómar eins og tvær beljur sem heita sama nafni... og svarið er ekki "Huppur". Viðkomandi ku líka hafa skipað tíkinni sinni að hætta við þáttöku, maður veit ekki afhverju, en það skiptir líka engu máli.

Ég varð fyrir óvenjulegu óhappi um helgina. Hélt meiraðsegja að það væri ekki hægt en svo virðist nú samt vera. Málið var að ég var á leiðinni í miðbæinn að lyfta mér aðeins upp, þá sjaldan maður lætur það nú eftir sér, og var farþegi í bíl. Svo er komið á leiðarenda og bílnum lagt í stæði, og minn opnar dyrnar og vindur sér út... og fær dekkið á bílnum á hælinn! Það hlýtur að hafa verið alveg ferlega vont! Samt fann ég ekki fyrir neinu fyrr en ég fór á fætur daginn eftir, og reyndist vera með risamarblett á hælnum, og hef átt svona frekar bágt með að stíga í hægri fótinn. Eins gott að maður notar aðallega tábergið á pinnahælunum... ;-p

Annars verð ég að hætta núna, harðstjórinn á heimilinu heimtar að við förum að klína myndum í albúm, veitir sko ekki af, við eigum stærsta myndaalbúm norðan alpafjalla en allar okkar myndir eru í skúffum út um alla íbúð.

Bara eitt að lokum: ef lögreglan í London gefur sig á tal við ykkur, HLAUPIÐ EINS OG FÆTUR TOGA!!!!!!!