Fyrsta nóttin í nýja húsinu!

Nei, því miður, það eru ekki myndir :-p enda er helgin búin að vera þannig hjá mér að það hefði hvortsemer bara verið mynd af mér hrjótandi með kött í hárinu. (Better a pussy in your hair than a hair in your pussy?) Ég er nebbla búinn að ferðast milli Reykjavíkur og Reykjavíkur (smá Grundarhverfis-húmor, það er sko partur af Reykjavík þó að maður þurfi að ferðast um 4 sýslur til að komast á milli) oftar en nokkur annar þessa helgi. Ástæðan: LAN í skólanum. Og þó ég hefði auðvitað getað gist bara alla helgina með krökkunum hefðu þau aldrei fílað það, og sennilega ég ekki heldur. Enda eru þau (flest) þannig að það þarf ekki að sitja yfir þeim eins og smábörnum. En ég fór í 4 eða 5 skipti þangað uppeftir, bara til að tékka á stöðunni. Kom rétt fyrir hádegið í dag (sun) og þá voru bara flestir farnir og búið að taka til og allt. Magnað. Ég verð að muna að hrósa þeim á morgun. NOOOOOT!!!! :-b

Maður verður samt eiginlega að fara að setja nýjar myndir frá Mánagötu hingað inn, það eru komin húsgögn og gólfflísar og alles. Og í gær var þar líka köttur. Gaman að fylgjast með honum, því hann var að míga á sig úr stressi á leiðinni og faldi sig undir rúmi um leið og við komum inn. Labbaði svo um og vældi í svona 5 mínútur... og stökk þá uppí rúmið og fór að mala. Orðinn sáttur semsagt. Fór út um gluggann og allt, litli töffarinn.

Ég náði meiraðsegja að horfa á hálfan fótboltaleik í gær. Júnæted unnu 4-0 og ég hugsaði: Afhverju gátuð þið ekki gert þetta á þriðjudaginn?

Solla frænka mín (retired beauty queen) er flutt til London. Gaf mér upp bloggið sitt en hefur enn ekki lært að opna fyrir komment hjá sér. Maður bíður spenntur eftir ferðasögu og frásögnum af ævintýrum í Brixton. Brixton, fyrir þá sem þekkja ekki London út og inn, er... svona 3 km fyrir sunnan Oxford Street. Hinumegin við ána (það er á í London, hún er svona 1.5km fyrir sunnan Oxford Street, það er í sömu átt og Piccadilly) og fullt af því sem Chris vinur minn kallar "Blicks". Skýringuna á því orði er að finna í Lethal Weapon 2, þegar Danny Glover ætlar að opna bankareikning í S-Afrískum banka (LW2 var gerð áður en Apartheid endaði) og þjónustufulltrúinn segir við hann, með S-Afrískum hreim: ...but you're Blick! Ég er samt ekki viss um að frænka mín geti notað þetta sem pikköpplínu.

Ummæli

Vinsælar færslur af þessu bloggi

Jólabjórrýni Feitabjarnar 2021

Jólabjórrýni Feitabjarnar 2022

Feitibjörn tekur pásu