Framkvæmdirnar fara vel af stað

-
Við höfum nebbla ákveðið að skipta ekki um eldhússkápa, heldur leysa upp þessa ógó ljótu rauðu málningu sem er á þeim og setja einhverja aðra ógó flotta málningu í staðinn. Þá ætti eldhúsið bara að vera nokkuð sætt. Reyndar fyrir utan einn skáp sem virðist vera frá landnámsöld og verður að fara, þó það þurfi sjálfsagt dína-múdd-múdd, búng-búgg! til að hann fari.

En við byrjuðum semsagt að klína lakkeyði á skáphurðir í gærkveldi. Ég veit ekki hvort það voru heilafrumudrepandi áhrif af leysiefninu eða hvort ég var orðinn eitthvað friskí, en meðan við biðum eftir að efnið virkaði fórum við úr eldhúsinu og inn í svefnherbergið að chilla. Og til að útiloka eiturgufurnar lokaði ég hurðinni. Og fattaði um leið og Rósa orgaði, að það er enginn hurðarhúnn á helvítis hurðinni. Herbergið var galtómt. Við vorum tómhent. Og Rósa er með innilokunarkennd frá helvíti.

Tuttugu mínútum (og sirka fjórum hlátursköstum) síðar var ég búinn að skrúfa einhverja festingu af glugganum, troða henni í gatið þar sem hurðarhúnninn átti að vera og opna dyrnar. Við fórum þá aftur inn í eldhús og sáum að það var rétt að byrja að flæða upp úr eldhúsvaskinum þar sem við vorum að kæla bjórinn. (Ekki kominn ísskápur ennþá.) En það slapp nú.

Næst tek ég Leathermanninn með.

Ummæli

Mannsi sagði…
Til lukku með nýja húsið - ég er pínuruglaður í þessu, kem inn í miðja sögu ef svo má segja: hver er Rósa (hélt það væri kötturinn á myndinni, en það er Pjakkur?) - var við að ég er mjög ótryggur blogglesari og bloggari, en hef gaman að kíkka á þetta stundum, bendi þér á mig: mannsinn.blogspot.com (afar lítið og sjaldan, en það er þarna... ) og enn frekar solborg.blogspot.com þar sem fylgjast má með æstispennandi ævintýrum Sólborgar í Víetnam!
05 mars, 2005 10:10
Skrifa ummæli

Vinsælar færslur af þessu bloggi

Jólabjórrýni Feitabjarnar 2021

-
Mynd
  Djöfullinn danskur! Þá er enn eittt árið að renna sitt skeið á enda og ekki hefur það nú verið neitt frábært, sama hvort þú ert launaþræll hjá ferðaþjónustufyrirtæki, kennari eða hjúkka. Ef þú ert þingmaður hefur árið reyndar örugglega verið fínt því launin eru ágæt og það virðist vera búið að taka þá ákvörðun að leggja niður kosningar svo það verður bara hægt að hirða launin áfram sama hvað kemur upp úr kössunum. Enda veit enginn lengur hvað kemur upp úr kössunum, hvað þá að mönnum sé ekki bara drull. Árið hefur semsagt einkennst af vonbrigðum. Bólusetningarnar sem áttu að redda öllu stóðu ekki undir væntingum. Þríeykið sligaðist undan þyngd fálkaorðunnar og eftirlét samtökum atvinnulífsins að semja sóttvarnarreglur. Bjór hækkaði í verði. Bjór. Hækkaði. Í. Verði. Því ef það er eitthvað sem einkennir jólabjórframboð hinna íslensku brugghúsa, stórra og smárra, á þessu guðsvolaða ári, þá er það helvítis okurverðið. Bjórgerðarmenn hafa tekið til sín slagorð Alþýðusambandsins um að þ...
Lesa meira

Jólabjórrýni Feitabjarnar 2022

-
Mynd
Heimur versnandi fer. Það er ekki laust við að almenningur sé pínu sleginn nú í lok þessa herrans árs tvö þúsund tuttugu og tvö. Við vorum rétt skriðin upp úr umgangspestinni með sínum takmörkunum, valdboðuðu sprautum og innilokunum. Voru fleiri en Feitibjörn sem héldu að nú tæki við betri tíð með blóm í haga? Það var nú meiri djöfuls barnaskapurinn. Hvað fengum við? Jú, eitt viðbjóðslegt stríð til dæmis. Og við klöppum okkur á bakið fyrir það hvað við séum góð að taka á móti fáeinu fólki á flótta úr þessu stríði en á sama tíma erum við enn að senda sakleysingja út í óvissuna ef þau eru öðruvísi en við á litinn og trúa á annan guð. Mjög jólalegt. Nú er meiraðsegja verið að draga fólk upp úr hjólastólum til að henda því úr landi. En við eigum ekki að kvarta, við höfum það jú svo ofboðslega gott á þessu frábæra landi, sjáiði til dæmis bara hvað það gekk vel að selja pabba fjármálaráðherrans banka? Helvítis fokking fokk. En árið er senn á enda og búðirnar fyllast af jólabjórum enn eina f...
Lesa meira

Feitibjörn tekur pásu

-
 Kæru vinir Verkefnið að smakka og dæma hvern einasta íslenska jólabjór hefur vaxið með ári hverju. Feitibjörn hefur verið svo heppinn að geta reitt sig á góðra vina hjálp síðustu misserin og það hefur verið bæði gaman og gefandi. Þakklæti til frú Feitabjarnar, Koppa-Krissa og svo er það hann elsku Immagaddus. Þessi nöfn segja ykkur auðvitað ekki neitt, sem er alveg eins og það á að vera. En Immagaddus féll frá á sviplegan hátt fyrir nokkrum vikum. Hans er sárt saknað og einhvern veginn finnur Feitibjörn ekki hjá sér löngun til að fara í hina árlegu risasmökkun akkúrat núna.  Vona að þið skiljið þetta og hittumst vonandi hress að ári.
Lesa meira