01 febrúar 2005

Hvað var Beethoven gamall þegar hann varð heyrnarlaus?

Bara af því að ég á ammæli bráðum og ég hef verið fullkomlega í þögninni frá vinstri hlið séð (eða heyrt) og ég á að fara til læknis á ammælisdaginn minn og láta skoða málið og ég fór að pæla í hvort þetta væru kannski bara ellimörk. Svo á að gelda Rasmus sama dag þannig að þetta verður mikill sorgardagur.

Ég er allavegana kominn til vinnu aftur, var bara alveg að krépera úr leiðindum heima, sérstaklega í gær þar sem Rósa var líka veik heima (þetta er allt í lagi, hún les aldrei bloggið mitt og heldur að internetið sé ný tegund af veiðarfærum)... það eru takmörk fyrir því hvað er hægt að glápa lengi á listdans á skautum í sjónvarpinu. Fyrir þá 5.767.992 sem ekki fylgjast grannt með þessari "íþrótt" þá er EM í gangi eins og er. Eina bjarta hliðin sem ég sé er að fatatíska skautadrottninga er farin að minna á strandblak kvenna.

Og svo er Arsenal-Júnæted í kvöld! Skál fyrir því, ég verð á Glaumbar ef einhver þarf að ná í mig. En ekki reyna að hringja, það verður tekið mjög óstinnt upp.

Ef einhver les DV og hefur tekið eftir því að mikið er fjallað um nektarmyndir sem eru teknar á De Palace og birtar á heimasíðu þess eðal-klúbbs, þá get ég hryggt ykkur með því að enn hefur ekki verið talin ástæða til að birta mynd af mér. Samt get ég svarið að ég sá flass (úr myndavél sko, ekki brjóstaflass) þegar ég var þarna á föstudaginn. Kannski var það bara hjartahnoðtæki... CLEAR!!!! ZZZZAP! Og Bjössi litli er vaknaður aftur.

Engin ummæli: