24 spurningar

-
1. Hvaða lifandi manneskju lítur þú mest upp til og hvers vegna?

Svar: Sir Alex Ferguson. Af því að hann hrinti Liverpúl niður af einhverjum palli. Eða stalli. Eða kalli.

2. Fyrsta minningin?

Svar: Ég var að leika í sjónvarpsauglýsingu 9 mánaða gamall. Man að ég átti í smávægilegum erfiðleikum með að átta mig á að þetta væri ekki raunverulegt.

3. Mestu vonbrigðin?

Svar: Að Mosi Frændi skyldi hætta með pálmann í höndunum.

4. Hvað gerir þig dapran?

Svar: Fólk sem talar of mikið.

5. Leiðinlegasta vinnan?

Svar: Leiklistarkennsla á Tálknafirði kemur sterklega til greina. Svo var það lagerstarf í límmiðaverksmiðju í Harlesden þar sem ég var eini hvíti maðurinn.

6. Uppáhalds bókin?

Svar: Dirk Gently's Holistic Detective Agency.

7. Ertu góður kokkur, og hvað eldarðu hvunndags?

Svar: Æðislegur kokkur. Það bókstaflega verður allt að nammi sem ég snerti. Flaggskipið er Spaghetti Carbonara.

8. Ef gerð yrði kvikmynd um þig og þína ævi? Hver myndi leika þig?

Svar: Þessi.
9. Hvað er það dýrasta sem þú hefur keypt?

Svar: Miðbraut 17.

10. Hvað er mesta skammarstrikið?

Svar: Þegar á olli útafkeyrslu á hraðbraut í S-Carolina og stakk af.

11. Hvað er hamingja?

Svar: Tapleikur hjá KR.

12. Hverjir eru þínur helstu gallar?

Svar: Hvað ég er óþolandi gallalaus.

13. Ef þú værir með ofurmannlega hæfileika, hvernig myndir þú nota þá?

Svar: Skipta mér í tvennt þannig að annar ég væri heima að skipta um bleiur en hinn að sóla sig á Salómónseyjum.

14. Hvernig tilfinning er ástin?

Svar: Hún er ósköp notaleg.

15. Hvað grætir þig?

Svar: Næstum því hvað sem er. Flott lag, góð bíómynd, Ísland á sviðinu í Eurovision.

16. Hefur þú verið í lífshættu?

Svar: Já margoft. Svo oft að ég hlýt að vera ódrepandi, annars væri ég dauður.

17. Hlutir sem þú metur mest.

Svar: Nýja fjölskyldan mín. Bolti og bjór. Labbitúr um Nesið.

18. Hvað gerir þú þegar þér vill líða vel?

Svar: Fer í labbitúr um Nesið með nýju fjölskylduna mína og bjór.

19. Styrkur.

Svar: Alveg svakalega hár sársaukaþröskuldur.

20. Hvað langaði þig til að vera þegar þú varst lítill?

Svar: Flugmaður eins og pabbi.

21. Er gott að búa á Íslandi?

Svar: Það er fínt en ekki besti staður í heimi.

22. Hefur þú bjargað lífi einhvers?

Svar: Já, og sá strax eftir því. Strákgerpið hefði mátt hrapa mín vegna.

23. Hvert er draumastarfið?

Svar: Kennaradjobbið er fínt í júlí.

24. Hvað ertu að gera núna?

Svar: Bíða eftir að lesbía komi í heimsókn með asískan mat.

Ummæli

Skrifa ummæli

Vinsælar færslur af þessu bloggi

Jólabjórrýni Feitabjarnar 2021

-
Mynd
  Djöfullinn danskur! Þá er enn eittt árið að renna sitt skeið á enda og ekki hefur það nú verið neitt frábært, sama hvort þú ert launaþræll hjá ferðaþjónustufyrirtæki, kennari eða hjúkka. Ef þú ert þingmaður hefur árið reyndar örugglega verið fínt því launin eru ágæt og það virðist vera búið að taka þá ákvörðun að leggja niður kosningar svo það verður bara hægt að hirða launin áfram sama hvað kemur upp úr kössunum. Enda veit enginn lengur hvað kemur upp úr kössunum, hvað þá að mönnum sé ekki bara drull. Árið hefur semsagt einkennst af vonbrigðum. Bólusetningarnar sem áttu að redda öllu stóðu ekki undir væntingum. Þríeykið sligaðist undan þyngd fálkaorðunnar og eftirlét samtökum atvinnulífsins að semja sóttvarnarreglur. Bjór hækkaði í verði. Bjór. Hækkaði. Í. Verði. Því ef það er eitthvað sem einkennir jólabjórframboð hinna íslensku brugghúsa, stórra og smárra, á þessu guðsvolaða ári, þá er það helvítis okurverðið. Bjórgerðarmenn hafa tekið til sín slagorð Alþýðusambandsins um að þ...
Lesa meira

Jólabjórrýni Feitabjarnar 2022

-
Mynd
Heimur versnandi fer. Það er ekki laust við að almenningur sé pínu sleginn nú í lok þessa herrans árs tvö þúsund tuttugu og tvö. Við vorum rétt skriðin upp úr umgangspestinni með sínum takmörkunum, valdboðuðu sprautum og innilokunum. Voru fleiri en Feitibjörn sem héldu að nú tæki við betri tíð með blóm í haga? Það var nú meiri djöfuls barnaskapurinn. Hvað fengum við? Jú, eitt viðbjóðslegt stríð til dæmis. Og við klöppum okkur á bakið fyrir það hvað við séum góð að taka á móti fáeinu fólki á flótta úr þessu stríði en á sama tíma erum við enn að senda sakleysingja út í óvissuna ef þau eru öðruvísi en við á litinn og trúa á annan guð. Mjög jólalegt. Nú er meiraðsegja verið að draga fólk upp úr hjólastólum til að henda því úr landi. En við eigum ekki að kvarta, við höfum það jú svo ofboðslega gott á þessu frábæra landi, sjáiði til dæmis bara hvað það gekk vel að selja pabba fjármálaráðherrans banka? Helvítis fokking fokk. En árið er senn á enda og búðirnar fyllast af jólabjórum enn eina f...
Lesa meira

Feitibjörn tekur pásu

-
 Kæru vinir Verkefnið að smakka og dæma hvern einasta íslenska jólabjór hefur vaxið með ári hverju. Feitibjörn hefur verið svo heppinn að geta reitt sig á góðra vina hjálp síðustu misserin og það hefur verið bæði gaman og gefandi. Þakklæti til frú Feitabjarnar, Koppa-Krissa og svo er það hann elsku Immagaddus. Þessi nöfn segja ykkur auðvitað ekki neitt, sem er alveg eins og það á að vera. En Immagaddus féll frá á sviplegan hátt fyrir nokkrum vikum. Hans er sárt saknað og einhvern veginn finnur Feitibjörn ekki hjá sér löngun til að fara í hina árlegu risasmökkun akkúrat núna.  Vona að þið skiljið þetta og hittumst vonandi hress að ári.
Lesa meira