Póstur númer fimm hundruð!

-
Það sem maður hefur nú getað bullað í öll þessi ár! Man ekki einu sinni nákvæmlega hvenær ég byrjaði að blogga en þó man ég að ég var staddur á Hressó með bjór í annarri og tölvuna í hinni.

En það var nú samt ekki erindið heldur hitt, að sýna fleiri myndir af tilvonandi slotinu. Hér er stofan, gluggar vísa út á Miðbraut í austurátt. Borðstofan sést þarna til vinstri og á bak við vegginn sem sjónvarpið stendur við er eldhúsið.


Á þessari mynd sést betur hvernig eldhúsið liggur, það er hægt að ganga inn í það úr tveimur áttum, frá borðstofunni og líka þarna vinstra megin við sjónvarpið. Þegar maður fer að pæla í því þá er ljóst að við þurfum að fá okkur stærra sjónvarp, he he!



Hér má svo sjá stofuna úr hinni áttinni. Dyrnar sem glittir í bak við sófann liggja inn að svefnálmunni og það sem mér finnst grúví er að þarna er hægt að loka þeirri álmu algerlega af, til dæmis þegar fólk er í heimsókn og barn eða börn eru sofandi. Leðurhornsófinn okkar er ekki alveg eins voldugur og þessi svarti en mun nú samt örugglega sóma sér sæmilega.





Nú svo er það eldhúsið, hér úr einni átt, það rétt sést inn um dyrnar í borðstofuna hægra megin.

Og hér úr hinni áttinni, þar sem er þessi fíni borðkrókur. Gluggar í eldhúsi vísa báðir út á Hæðarbraut (sem áður hét Valhúsabraut en því var breytt þegar gatan sem hét Skólabraut var klofin í tvo hluta sem nú heita Valhúsabraut og Kirkjubraut en um leið var hluta Melabrautar breytt í Skólabraut þannig að það þurfti að endurraða húsnúmerum á þeim hluta Melabrautar sem átti að halda áfram að heita Melabraut - svo heldur maður að Reykjavík sé í ruglinu!) og eru í norðurátt.

Hér er svo svefnálman, séð úr dyrunum fram í stofu. Vinstra megin sést inn í annað barnaherbergið, hitt er við hliðina á því en út úr mynd. Fyrir miðju er hjónaherbergið og það rétt sést í dyrnar inn á bað þarna hægra megin.

Baðherbergið lítur svona út:

Hér er annað barnaherbergið...

...og hér er hitt...

Svo er hér að lokum hjónaherbergið og þarna bak við rúmið eru dyr út á forláta sólpall.

Og hér er að lokum sá sólpallur.

Ummæli

Skrifa ummæli

Vinsælar færslur af þessu bloggi

Jólabjórrýni Feitabjarnar 2022

-
Mynd
Heimur versnandi fer. Það er ekki laust við að almenningur sé pínu sleginn nú í lok þessa herrans árs tvö þúsund tuttugu og tvö. Við vorum rétt skriðin upp úr umgangspestinni með sínum takmörkunum, valdboðuðu sprautum og innilokunum. Voru fleiri en Feitibjörn sem héldu að nú tæki við betri tíð með blóm í haga? Það var nú meiri djöfuls barnaskapurinn. Hvað fengum við? Jú, eitt viðbjóðslegt stríð til dæmis. Og við klöppum okkur á bakið fyrir það hvað við séum góð að taka á móti fáeinu fólki á flótta úr þessu stríði en á sama tíma erum við enn að senda sakleysingja út í óvissuna ef þau eru öðruvísi en við á litinn og trúa á annan guð. Mjög jólalegt. Nú er meiraðsegja verið að draga fólk upp úr hjólastólum til að henda því úr landi. En við eigum ekki að kvarta, við höfum það jú svo ofboðslega gott á þessu frábæra landi, sjáiði til dæmis bara hvað það gekk vel að selja pabba fjármálaráðherrans banka? Helvítis fokking fokk. En árið er senn á enda og búðirnar fyllast af jólabjórum enn eina f...
Lesa meira

Jólabjórrýni Feitabjarnar 2021

-
Mynd
  Djöfullinn danskur! Þá er enn eittt árið að renna sitt skeið á enda og ekki hefur það nú verið neitt frábært, sama hvort þú ert launaþræll hjá ferðaþjónustufyrirtæki, kennari eða hjúkka. Ef þú ert þingmaður hefur árið reyndar örugglega verið fínt því launin eru ágæt og það virðist vera búið að taka þá ákvörðun að leggja niður kosningar svo það verður bara hægt að hirða launin áfram sama hvað kemur upp úr kössunum. Enda veit enginn lengur hvað kemur upp úr kössunum, hvað þá að mönnum sé ekki bara drull. Árið hefur semsagt einkennst af vonbrigðum. Bólusetningarnar sem áttu að redda öllu stóðu ekki undir væntingum. Þríeykið sligaðist undan þyngd fálkaorðunnar og eftirlét samtökum atvinnulífsins að semja sóttvarnarreglur. Bjór hækkaði í verði. Bjór. Hækkaði. Í. Verði. Því ef það er eitthvað sem einkennir jólabjórframboð hinna íslensku brugghúsa, stórra og smárra, á þessu guðsvolaða ári, þá er það helvítis okurverðið. Bjórgerðarmenn hafa tekið til sín slagorð Alþýðusambandsins um að þ...
Lesa meira

Feitibjörn tekur pásu

-
 Kæru vinir Verkefnið að smakka og dæma hvern einasta íslenska jólabjór hefur vaxið með ári hverju. Feitibjörn hefur verið svo heppinn að geta reitt sig á góðra vina hjálp síðustu misserin og það hefur verið bæði gaman og gefandi. Þakklæti til frú Feitabjarnar, Koppa-Krissa og svo er það hann elsku Immagaddus. Þessi nöfn segja ykkur auðvitað ekki neitt, sem er alveg eins og það á að vera. En Immagaddus féll frá á sviplegan hátt fyrir nokkrum vikum. Hans er sárt saknað og einhvern veginn finnur Feitibjörn ekki hjá sér löngun til að fara í hina árlegu risasmökkun akkúrat núna.  Vona að þið skiljið þetta og hittumst vonandi hress að ári.
Lesa meira