Pönk, pönk og tre gange pönk

-
Ég ákvað að taka þátt í Eurovision íslenskra undirmálstónlistarmanna.

Það á semsagt að setja upp söngleik í Þjóðleikhúsi allra landsmanna í haust (held ég) - stykkið heitir "Ástin er diskó, lífið er pönk" og er eftir Hallgrím Helgason. So far so good. Allavega erfitt að andmæla spekinni sem falin er í titlinum.

Leikstjóri er Gunnar Helgason. So far so good. Hann hefur allavega sett upp margar vel heppnaðar (brjósta)glamúrsýningar á vegum Verzlunarskóla Íslands. Listrænar kröfur í Þjóðleikhúsi allra landsmanna eru svipaðar og hjá Verzlunarskóla Íslands þessi misserin - semsagt: tits and ass og þá kemur fólkið. Þannig að þetta er kjörinn leikstjóri í þetta verk.

Tónlistarstjóri er Þorvaldur Bjarni. So far so good. Maðurinn á bak við Helgu Völu hlýtur að vera sá eini rétti í svona glamúrsjóv. Þetta hefur semsagt alla burði til að verða dúndursökksess.

Nema Þorvaldur Bjarni er ekki pönkari. Og virðist hafa gengið eitthvað illa að búa til pönklög í þennan söngleik sem á að vera fiftí-fiftí diskó og pönk. Fáum treysti ég betur til að búa til glamúrsjóvmúsík og ef diskó er annars vegar þá er honum vel treystandi. En hann er ekki pönkari. Þannig að nú er komin snurða á þráðinn.

En þá kemur til sögunnar raunveruleikasörværorkópaskersnexttopmodelmenningin sem við lifum við í dag.

Þannig að nú er semsagt keppni. Hver getur samið pönklag sem er nógu mikið pönk til að vera trúverðugt í glamúrsjóvsýningu Þjóðleikhúss allra landsmanna, en um leið ekki svo mikið pönk að fólkinu sem mætir á glamúrsjóvsýningar í Þjóðleikhúsi allra landsmanna verði misboðið.

Hinn vandrataði gullni meðalvegur. Og hver ætlar að reyna að rata hann? Semja lag sem er organdi pönk en um leið gargandi popp?

Auðvitað yðar einlægur.

Wish me luck. Hver annar en ég gæti samið hittara við texta eftir Hallgrím fokking Helgason sem heitir Skítandi Júní?

Watch this space.

Ummæli

Hildur Gísladóttir sagði…
Ég hef nú bara þekkt þig sem dancing queen svo ég hefði veðjað á diskólag frá þér en þetta verður interesting...
29 janúar, 2008 08:25
Skrifa ummæli

Vinsælar færslur af þessu bloggi

Jólabjórrýni Feitabjarnar 2021

-
Mynd
  Djöfullinn danskur! Þá er enn eittt árið að renna sitt skeið á enda og ekki hefur það nú verið neitt frábært, sama hvort þú ert launaþræll hjá ferðaþjónustufyrirtæki, kennari eða hjúkka. Ef þú ert þingmaður hefur árið reyndar örugglega verið fínt því launin eru ágæt og það virðist vera búið að taka þá ákvörðun að leggja niður kosningar svo það verður bara hægt að hirða launin áfram sama hvað kemur upp úr kössunum. Enda veit enginn lengur hvað kemur upp úr kössunum, hvað þá að mönnum sé ekki bara drull. Árið hefur semsagt einkennst af vonbrigðum. Bólusetningarnar sem áttu að redda öllu stóðu ekki undir væntingum. Þríeykið sligaðist undan þyngd fálkaorðunnar og eftirlét samtökum atvinnulífsins að semja sóttvarnarreglur. Bjór hækkaði í verði. Bjór. Hækkaði. Í. Verði. Því ef það er eitthvað sem einkennir jólabjórframboð hinna íslensku brugghúsa, stórra og smárra, á þessu guðsvolaða ári, þá er það helvítis okurverðið. Bjórgerðarmenn hafa tekið til sín slagorð Alþýðusambandsins um að það s
Lesa meira

Jólabjórrýni Feitabjarnar 2022

-
Mynd
Heimur versnandi fer. Það er ekki laust við að almenningur sé pínu sleginn nú í lok þessa herrans árs tvö þúsund tuttugu og tvö. Við vorum rétt skriðin upp úr umgangspestinni með sínum takmörkunum, valdboðuðu sprautum og innilokunum. Voru fleiri en Feitibjörn sem héldu að nú tæki við betri tíð með blóm í haga? Það var nú meiri djöfuls barnaskapurinn. Hvað fengum við? Jú, eitt viðbjóðslegt stríð til dæmis. Og við klöppum okkur á bakið fyrir það hvað við séum góð að taka á móti fáeinu fólki á flótta úr þessu stríði en á sama tíma erum við enn að senda sakleysingja út í óvissuna ef þau eru öðruvísi en við á litinn og trúa á annan guð. Mjög jólalegt. Nú er meiraðsegja verið að draga fólk upp úr hjólastólum til að henda því úr landi. En við eigum ekki að kvarta, við höfum það jú svo ofboðslega gott á þessu frábæra landi, sjáiði til dæmis bara hvað það gekk vel að selja pabba fjármálaráðherrans banka? Helvítis fokking fokk. En árið er senn á enda og búðirnar fyllast af jólabjórum enn eina f
Lesa meira

Feitibjörn tekur pásu

-
 Kæru vinir Verkefnið að smakka og dæma hvern einasta íslenska jólabjór hefur vaxið með ári hverju. Feitibjörn hefur verið svo heppinn að geta reitt sig á góðra vina hjálp síðustu misserin og það hefur verið bæði gaman og gefandi. Þakklæti til frú Feitabjarnar, Koppa-Krissa og svo er það hann elsku Immagaddus. Þessi nöfn segja ykkur auðvitað ekki neitt, sem er alveg eins og það á að vera. En Immagaddus féll frá á sviplegan hátt fyrir nokkrum vikum. Hans er sárt saknað og einhvern veginn finnur Feitibjörn ekki hjá sér löngun til að fara í hina árlegu risasmökkun akkúrat núna.  Vona að þið skiljið þetta og hittumst vonandi hress að ári.
Lesa meira