Þessi auglýsing birtist í alvörunni í dag!

-
Traust fjölskylda í Reykjavík leitar að þér!

Ástæðan er mikið annríki hjá foreldrunum og því þurfa þeir og börn þeirra þína aðstoð til að gera sér lífið dálítið léttara.
Á heimilinu eru tveir drengir, 6 ára og 18 mánaða og er þriðja barnið væntanlegt í heiminn í vor.
Dagleg verkefni:
Sækja börnin á leikskóla og gæta þeirra fram yfir háttatíma
Fylgja börnum á leikskóla þegar á þarf að halda
Umsjón með kvöldverði
Undirbúningur morgunverðar í lok dags
Innkaup, tiltekt og þrif á heimilinu

Vinnutíminn er að mestu leyti frá kl. 14:00 til 21:00 á virkum dögum en viðkomandi þarf að vera sveigjanlegur fyrir vinnu utan þess tíma, t.d. stöku sinnum um helgar.
Við leitum að barngóðri manneskju sem er ábyrg og traust og tilbúin að helga sig fjölskyldunni að vissu leyti. Reynsla af matseld, umönnun barna og þrifum er mjög æskileg.

Hreint sakavottorð er skilyrði.

Fjandinn! var alveg að fara að sækja um en þá sá ég síðustu línuna.

Hér er auglýsingin.

Ummæli

Hildur Gísladóttir sagði…
En dapurlegt! Þessir foreldrar sjá aldrei börnin sín ef einhver sækir þau á leikskóla og sinnir þeim fram að háttatíma. Og þriðja barnið á leiðinni....hafa þau aldrei heyrt um getnaðarvarnir? A child is not only for christmas, it's for life!
17 janúar, 2008 21:13
Skrifa ummæli

Vinsælar færslur af þessu bloggi

Jólabjórrýni Feitabjarnar 2021

-
Mynd
  Djöfullinn danskur! Þá er enn eittt árið að renna sitt skeið á enda og ekki hefur það nú verið neitt frábært, sama hvort þú ert launaþræll hjá ferðaþjónustufyrirtæki, kennari eða hjúkka. Ef þú ert þingmaður hefur árið reyndar örugglega verið fínt því launin eru ágæt og það virðist vera búið að taka þá ákvörðun að leggja niður kosningar svo það verður bara hægt að hirða launin áfram sama hvað kemur upp úr kössunum. Enda veit enginn lengur hvað kemur upp úr kössunum, hvað þá að mönnum sé ekki bara drull. Árið hefur semsagt einkennst af vonbrigðum. Bólusetningarnar sem áttu að redda öllu stóðu ekki undir væntingum. Þríeykið sligaðist undan þyngd fálkaorðunnar og eftirlét samtökum atvinnulífsins að semja sóttvarnarreglur. Bjór hækkaði í verði. Bjór. Hækkaði. Í. Verði. Því ef það er eitthvað sem einkennir jólabjórframboð hinna íslensku brugghúsa, stórra og smárra, á þessu guðsvolaða ári, þá er það helvítis okurverðið. Bjórgerðarmenn hafa tekið til sín slagorð Alþýðusambandsins um að þ...
Lesa meira

Jólabjórrýni Feitabjarnar 2022

-
Mynd
Heimur versnandi fer. Það er ekki laust við að almenningur sé pínu sleginn nú í lok þessa herrans árs tvö þúsund tuttugu og tvö. Við vorum rétt skriðin upp úr umgangspestinni með sínum takmörkunum, valdboðuðu sprautum og innilokunum. Voru fleiri en Feitibjörn sem héldu að nú tæki við betri tíð með blóm í haga? Það var nú meiri djöfuls barnaskapurinn. Hvað fengum við? Jú, eitt viðbjóðslegt stríð til dæmis. Og við klöppum okkur á bakið fyrir það hvað við séum góð að taka á móti fáeinu fólki á flótta úr þessu stríði en á sama tíma erum við enn að senda sakleysingja út í óvissuna ef þau eru öðruvísi en við á litinn og trúa á annan guð. Mjög jólalegt. Nú er meiraðsegja verið að draga fólk upp úr hjólastólum til að henda því úr landi. En við eigum ekki að kvarta, við höfum það jú svo ofboðslega gott á þessu frábæra landi, sjáiði til dæmis bara hvað það gekk vel að selja pabba fjármálaráðherrans banka? Helvítis fokking fokk. En árið er senn á enda og búðirnar fyllast af jólabjórum enn eina f...
Lesa meira

Feitibjörn tekur pásu

-
 Kæru vinir Verkefnið að smakka og dæma hvern einasta íslenska jólabjór hefur vaxið með ári hverju. Feitibjörn hefur verið svo heppinn að geta reitt sig á góðra vina hjálp síðustu misserin og það hefur verið bæði gaman og gefandi. Þakklæti til frú Feitabjarnar, Koppa-Krissa og svo er það hann elsku Immagaddus. Þessi nöfn segja ykkur auðvitað ekki neitt, sem er alveg eins og það á að vera. En Immagaddus féll frá á sviplegan hátt fyrir nokkrum vikum. Hans er sárt saknað og einhvern veginn finnur Feitibjörn ekki hjá sér löngun til að fara í hina árlegu risasmökkun akkúrat núna.  Vona að þið skiljið þetta og hittumst vonandi hress að ári.
Lesa meira