Dauður tími

-
Eftir hálfan mánuð er frumsýning hjá mér, þá kannski verður meira líf hérna. Það er náttúrlega alveg óþolandi þegar fólk heldur ekki blogginu sínu gangandi.

Kominn nýr borgarstjóri og svona. Samt ekki búinn að fjölga strætóferðum í Árbæinn. Fékk e-mail frá honum um daginn þar sem hann sagðist ætla að setja einhverjar millur (270 minnir mig) í bónusa handa duglega starfsfólkinu í skólum og leikskólum. Ég skoðaði hvað ég ætti að fá mikið. Kom á daginn að ég fæ ókeypis bókasafnskort og árskort í sund. Jibbí.

Það er nú samt greinilega verið að vinna í ýmsum málum hjá Degi og kó. Það er víst búið að ganga frá því að borgin kaupi Austurstræti 22. Vonandi færist þessi athafnagleði lengra eftir Austurstrætinu og við fáum kælinn aftur.

Hann ætlar ekki að skipta sér af því að vopnaframleiðendur haldi ráðstefnu á íslensku hóteli. Ætli manni verði ekki að finnast það gott mál eftir þetta með klámið.

Hey, ég er að fara til Köben eftir 3 vikur. Sá fram á að verða útkeyrður eftir æfingar á Heddu (sjá www.hedda.is) svo ég splæsti í netsmell og ætla að gista hjá Nikka og Doro. Kem svo aftur og byrja að æfa jólaleikrit í Melaskóla. Merkilegt hvað þessi leiklist ætlar að verða lífseigur karríer, miðað við að ég er farinn að vinna við annað.

Jæja, ætlaði bara svona rétt að láta heyra í mér. Frúin er að vakna og ég verð að drífa mig að búa til morgunmatinn.

Ummæli

Nafnlaus sagði…
Hei! Ég er í Köben.
Eigum við að vera svolítið flippaðir og fá okkur bjór?
16 nóvember, 2007 19:22
Skrifa ummæli

Vinsælar færslur af þessu bloggi

Jólabjórrýni Feitabjarnar 2021

-
Mynd
  Djöfullinn danskur! Þá er enn eittt árið að renna sitt skeið á enda og ekki hefur það nú verið neitt frábært, sama hvort þú ert launaþræll hjá ferðaþjónustufyrirtæki, kennari eða hjúkka. Ef þú ert þingmaður hefur árið reyndar örugglega verið fínt því launin eru ágæt og það virðist vera búið að taka þá ákvörðun að leggja niður kosningar svo það verður bara hægt að hirða launin áfram sama hvað kemur upp úr kössunum. Enda veit enginn lengur hvað kemur upp úr kössunum, hvað þá að mönnum sé ekki bara drull. Árið hefur semsagt einkennst af vonbrigðum. Bólusetningarnar sem áttu að redda öllu stóðu ekki undir væntingum. Þríeykið sligaðist undan þyngd fálkaorðunnar og eftirlét samtökum atvinnulífsins að semja sóttvarnarreglur. Bjór hækkaði í verði. Bjór. Hækkaði. Í. Verði. Því ef það er eitthvað sem einkennir jólabjórframboð hinna íslensku brugghúsa, stórra og smárra, á þessu guðsvolaða ári, þá er það helvítis okurverðið. Bjórgerðarmenn hafa tekið til sín slagorð Alþýðusambandsins um að það s
Lesa meira

Jólabjórrýni Feitabjarnar 2022

-
Mynd
Heimur versnandi fer. Það er ekki laust við að almenningur sé pínu sleginn nú í lok þessa herrans árs tvö þúsund tuttugu og tvö. Við vorum rétt skriðin upp úr umgangspestinni með sínum takmörkunum, valdboðuðu sprautum og innilokunum. Voru fleiri en Feitibjörn sem héldu að nú tæki við betri tíð með blóm í haga? Það var nú meiri djöfuls barnaskapurinn. Hvað fengum við? Jú, eitt viðbjóðslegt stríð til dæmis. Og við klöppum okkur á bakið fyrir það hvað við séum góð að taka á móti fáeinu fólki á flótta úr þessu stríði en á sama tíma erum við enn að senda sakleysingja út í óvissuna ef þau eru öðruvísi en við á litinn og trúa á annan guð. Mjög jólalegt. Nú er meiraðsegja verið að draga fólk upp úr hjólastólum til að henda því úr landi. En við eigum ekki að kvarta, við höfum það jú svo ofboðslega gott á þessu frábæra landi, sjáiði til dæmis bara hvað það gekk vel að selja pabba fjármálaráðherrans banka? Helvítis fokking fokk. En árið er senn á enda og búðirnar fyllast af jólabjórum enn eina f
Lesa meira

Feitibjörn tekur pásu

-
 Kæru vinir Verkefnið að smakka og dæma hvern einasta íslenska jólabjór hefur vaxið með ári hverju. Feitibjörn hefur verið svo heppinn að geta reitt sig á góðra vina hjálp síðustu misserin og það hefur verið bæði gaman og gefandi. Þakklæti til frú Feitabjarnar, Koppa-Krissa og svo er það hann elsku Immagaddus. Þessi nöfn segja ykkur auðvitað ekki neitt, sem er alveg eins og það á að vera. En Immagaddus féll frá á sviplegan hátt fyrir nokkrum vikum. Hans er sárt saknað og einhvern veginn finnur Feitibjörn ekki hjá sér löngun til að fara í hina árlegu risasmökkun akkúrat núna.  Vona að þið skiljið þetta og hittumst vonandi hress að ári.
Lesa meira