Málfræði - máltilfinning

-
Jens Guð veltir upp áhugaverðri pælingu, eða það finnst mér allavega, þegar hann segir frá kvenfanga sem kærir yfirvöld fyrir að banna sér að gamna sér með kynlífsleikfangi.

Skítt með titrarann, það sem er spennandi við málið er spurningin hvort maður eigi að nota persónufornafnið hann eða hún um kvenfanga. Fangi er jú karlkyns nafnorð en ljóst er að um konu er að ræða. Þannig að:

Kynsveltur kvenfangi hefur kvartað formlega við fangelsismálayfirvöld vegna þess að henni er meinað að hafa kynlífsleikfang í fangelsinu.

Og Jens bætir þessu við:

 Í ... setningunni á út frá ströngustu málfræðireglum að standa honum í stað henni. Kristján heitinn Eldjárn, fyrrverandi forseti, sannfærði mig um að í svona tilfellum eigi að brjóta regluna. Þó að rætt sé um kvenfanga (hann fanginn) þá er kona til umræðu. Ég skrifa því um hana en ekki hann.

Svo kemur í athugasemdum eitthvað um málfræðina og Jens svarar:
.
Mitt viðhorf til þessarar málfræðireglu er ekki viðurkennt. En ég aðhyllist það. Þórarinn Eldjárn, sonur Kristjáns, er sammála föður sínum. Hann hefur bent á að eðlilegra sé að tala um þau þegar átt er við foreldra, karl og konu. Málfræðireglur eru eitt og máltifinning er annað

Samt hélt ég nú að orðið foreldri væri hvorugkynsorð - foreldrið? eða hvað? En ég er sammála karlinum. Orðið kærustupar er ágætis dæmi um þetta. Ef maður talar um kærustupar (sem er hvorugkynseintölunafnofð) segir maður varla "það" eða hvað?

Eins og í þessu dæmi:

Hafiði heyrt um kærustuparið frá Keflavík sem áttu ekki til hnífs og skeiðar? Ja, hún lifði þó alltént af.

Hér ætti samkvæmt reglum að segja "sem átti" þar sem um eintölu hvorugkyn er að ræða. En við erum að tala um karl og konu. Sem sagt: þau.

Ummæli

Skrifa ummæli

Vinsælar færslur af þessu bloggi

Jólabjórrýni Feitabjarnar 2021

-
Mynd
  Djöfullinn danskur! Þá er enn eittt árið að renna sitt skeið á enda og ekki hefur það nú verið neitt frábært, sama hvort þú ert launaþræll hjá ferðaþjónustufyrirtæki, kennari eða hjúkka. Ef þú ert þingmaður hefur árið reyndar örugglega verið fínt því launin eru ágæt og það virðist vera búið að taka þá ákvörðun að leggja niður kosningar svo það verður bara hægt að hirða launin áfram sama hvað kemur upp úr kössunum. Enda veit enginn lengur hvað kemur upp úr kössunum, hvað þá að mönnum sé ekki bara drull. Árið hefur semsagt einkennst af vonbrigðum. Bólusetningarnar sem áttu að redda öllu stóðu ekki undir væntingum. Þríeykið sligaðist undan þyngd fálkaorðunnar og eftirlét samtökum atvinnulífsins að semja sóttvarnarreglur. Bjór hækkaði í verði. Bjór. Hækkaði. Í. Verði. Því ef það er eitthvað sem einkennir jólabjórframboð hinna íslensku brugghúsa, stórra og smárra, á þessu guðsvolaða ári, þá er það helvítis okurverðið. Bjórgerðarmenn hafa tekið til sín slagorð Alþýðusambandsins um að það s
Lesa meira

Jólabjórrýni Feitabjarnar 2022

-
Mynd
Heimur versnandi fer. Það er ekki laust við að almenningur sé pínu sleginn nú í lok þessa herrans árs tvö þúsund tuttugu og tvö. Við vorum rétt skriðin upp úr umgangspestinni með sínum takmörkunum, valdboðuðu sprautum og innilokunum. Voru fleiri en Feitibjörn sem héldu að nú tæki við betri tíð með blóm í haga? Það var nú meiri djöfuls barnaskapurinn. Hvað fengum við? Jú, eitt viðbjóðslegt stríð til dæmis. Og við klöppum okkur á bakið fyrir það hvað við séum góð að taka á móti fáeinu fólki á flótta úr þessu stríði en á sama tíma erum við enn að senda sakleysingja út í óvissuna ef þau eru öðruvísi en við á litinn og trúa á annan guð. Mjög jólalegt. Nú er meiraðsegja verið að draga fólk upp úr hjólastólum til að henda því úr landi. En við eigum ekki að kvarta, við höfum það jú svo ofboðslega gott á þessu frábæra landi, sjáiði til dæmis bara hvað það gekk vel að selja pabba fjármálaráðherrans banka? Helvítis fokking fokk. En árið er senn á enda og búðirnar fyllast af jólabjórum enn eina f
Lesa meira

Feitibjörn tekur pásu

-
 Kæru vinir Verkefnið að smakka og dæma hvern einasta íslenska jólabjór hefur vaxið með ári hverju. Feitibjörn hefur verið svo heppinn að geta reitt sig á góðra vina hjálp síðustu misserin og það hefur verið bæði gaman og gefandi. Þakklæti til frú Feitabjarnar, Koppa-Krissa og svo er það hann elsku Immagaddus. Þessi nöfn segja ykkur auðvitað ekki neitt, sem er alveg eins og það á að vera. En Immagaddus féll frá á sviplegan hátt fyrir nokkrum vikum. Hans er sárt saknað og einhvern veginn finnur Feitibjörn ekki hjá sér löngun til að fara í hina árlegu risasmökkun akkúrat núna.  Vona að þið skiljið þetta og hittumst vonandi hress að ári.
Lesa meira