Memento Mori pt 12

-
Öðru sinni var ég næstum dauður undir stýri en nú um sumar. Ég var að vinna hjá Paul pabba hans Nikka að selja Snapple. Áður en Baugur fór að versla við okkur var Bláa Lónið okkar besti kúnni og í miklu uppáhaldi hjá mér af tveimur ástæðum. Annars vegar var ágætis tilbreyting að fá langan bíltúr öðru hverju - var meira og minna að þvælast með einn og tvo kassa í sjoppur út um allan bæ - og hins vegar var daman sem rak veitingasöluna í Bláa Lóninu alveg meiriháttar sæt og skotin í mér í þokkabót.

Ég hlýt að hafa verið með hugann við hana þegar ég kom upp á Keflavíkurveg á heimleiðinni því ég sá greinilega að risastór vöruflutningabifreið með trailer kom æðandi frá Keflavík á ólöglegum hraða en ég lét sem ekkert sé og ók í veg fyrir hana. Svo sá ég að það væri sennilega banvæn ákvörðun og sveigði á síðustu stundu út í vegarkant.

Vörubifreiðin hafði auðvitað bremsað en rauk framhjá mér, enn á ólöglegum hraða, og bílstjóranum hefur brugðið svona mikið að hann hélt áfram að bremsa og stöðvaðist um 100 metra fyrir framan mig. Stóð þar svo hreyfingarlaus góða stund meðan bílstjórinn jafnaði sig. ÉG hélt að hann myndi kannski koma og berja mig fyrir hálfvitaganginn en eftir smástund ók hann af stað aftur.

Ég beið aðeins og lagði svo af stað.

Ummæli

Skrifa ummæli

Vinsælar færslur af þessu bloggi

Jólabjórrýni Feitabjarnar 2021

-
Mynd
  Djöfullinn danskur! Þá er enn eittt árið að renna sitt skeið á enda og ekki hefur það nú verið neitt frábært, sama hvort þú ert launaþræll hjá ferðaþjónustufyrirtæki, kennari eða hjúkka. Ef þú ert þingmaður hefur árið reyndar örugglega verið fínt því launin eru ágæt og það virðist vera búið að taka þá ákvörðun að leggja niður kosningar svo það verður bara hægt að hirða launin áfram sama hvað kemur upp úr kössunum. Enda veit enginn lengur hvað kemur upp úr kössunum, hvað þá að mönnum sé ekki bara drull. Árið hefur semsagt einkennst af vonbrigðum. Bólusetningarnar sem áttu að redda öllu stóðu ekki undir væntingum. Þríeykið sligaðist undan þyngd fálkaorðunnar og eftirlét samtökum atvinnulífsins að semja sóttvarnarreglur. Bjór hækkaði í verði. Bjór. Hækkaði. Í. Verði. Því ef það er eitthvað sem einkennir jólabjórframboð hinna íslensku brugghúsa, stórra og smárra, á þessu guðsvolaða ári, þá er það helvítis okurverðið. Bjórgerðarmenn hafa tekið til sín slagorð Alþýðusambandsins um að það s
Lesa meira

Jólabjórrýni Feitabjarnar 2022

-
Mynd
Heimur versnandi fer. Það er ekki laust við að almenningur sé pínu sleginn nú í lok þessa herrans árs tvö þúsund tuttugu og tvö. Við vorum rétt skriðin upp úr umgangspestinni með sínum takmörkunum, valdboðuðu sprautum og innilokunum. Voru fleiri en Feitibjörn sem héldu að nú tæki við betri tíð með blóm í haga? Það var nú meiri djöfuls barnaskapurinn. Hvað fengum við? Jú, eitt viðbjóðslegt stríð til dæmis. Og við klöppum okkur á bakið fyrir það hvað við séum góð að taka á móti fáeinu fólki á flótta úr þessu stríði en á sama tíma erum við enn að senda sakleysingja út í óvissuna ef þau eru öðruvísi en við á litinn og trúa á annan guð. Mjög jólalegt. Nú er meiraðsegja verið að draga fólk upp úr hjólastólum til að henda því úr landi. En við eigum ekki að kvarta, við höfum það jú svo ofboðslega gott á þessu frábæra landi, sjáiði til dæmis bara hvað það gekk vel að selja pabba fjármálaráðherrans banka? Helvítis fokking fokk. En árið er senn á enda og búðirnar fyllast af jólabjórum enn eina f
Lesa meira

Feitibjörn tekur pásu

-
 Kæru vinir Verkefnið að smakka og dæma hvern einasta íslenska jólabjór hefur vaxið með ári hverju. Feitibjörn hefur verið svo heppinn að geta reitt sig á góðra vina hjálp síðustu misserin og það hefur verið bæði gaman og gefandi. Þakklæti til frú Feitabjarnar, Koppa-Krissa og svo er það hann elsku Immagaddus. Þessi nöfn segja ykkur auðvitað ekki neitt, sem er alveg eins og það á að vera. En Immagaddus féll frá á sviplegan hátt fyrir nokkrum vikum. Hans er sárt saknað og einhvern veginn finnur Feitibjörn ekki hjá sér löngun til að fara í hina árlegu risasmökkun akkúrat núna.  Vona að þið skiljið þetta og hittumst vonandi hress að ári.
Lesa meira