Silvía Night - In memoriam

-
List sem stuðar engan á best heima á Hallmark-kortum og heillaóskaskeytum. Gjörningurinn sem var Silvía Nótt/Night er einhver sá best heppnaði í veraldarsögunni. Páll Óskar kallar hana hættulegan listamann og það er rétt hjá honum.

Spuni (e. Improvisation) er ekki á allra færi. Langoftast er hann misheppnaður, leiðinlegur og fyrirsjáanlegur. Þegar hann heppnast, veit enginn hvað gerist. Og þegar hann heppnast einstaklega vel, veit jafnvel ekki leikarinn sjálfur hvað er handan við hornið.

Ein aðalreglan í spuna er að það er bannað að segja nei. Það þýðir ekki að orðið "nei" sé bannað, heldur er bannað að afþakka tækifæri til að halda áfram með spunann. Það er bannað að bakka út úr óþægilegri stöðu. Það er skylda að halda áfram. Og það gerði Silvía.

Það er ekki von að restin af Evrópu hafi fattað djókinn. Þeir héldu að það væri enginn munur á Silvíu og Carolu. Enda virkaði bótoxið hennar Carolu alveg svakalega vel. Vindvélarnar voru á 85m/s og kinnarnar titruðu ekki einu sinni.

Silvía hristi upp í Eurovision betur en nokkur hefur gert síðan Palli fór. Og uppskar álíka árangur á stigatöflunni og hann. Palli fór hins vegar út í þeim göfuga tilgangi að bjarga Eurovision. Og Eistar, Lettar, Úkraínumenn, Tyrkir, Grikkjar og Ísraelskir kynskiptingar eru honum ævinlega þakklátir. Sennilega bætast Finnar í hópinn á morgun. Nú eða Rússar, Armenar, Litháar, Pólverjar... sjáiði mynstrið?

Palli bjargaði ekki Eurovision. Hann stækkaði bara Evrópusambandið. Þegar Kyrgyztan vinnur árið 2013 verður það Palla að þakka.

En hver var tilgangurinn með upphristingu Silvíu Næt(ur)?

Spuni á engan tilgang, annan en að halda áfram og sjá hvað maður kemst langt.

Og kemst hún lengra?

Feitibjörn efast (en er samt ekki viss...)

Ummæli

Skrifa ummæli

Vinsælar færslur af þessu bloggi

Jólabjórrýni Feitabjarnar 2021

-
Mynd
  Djöfullinn danskur! Þá er enn eittt árið að renna sitt skeið á enda og ekki hefur það nú verið neitt frábært, sama hvort þú ert launaþræll hjá ferðaþjónustufyrirtæki, kennari eða hjúkka. Ef þú ert þingmaður hefur árið reyndar örugglega verið fínt því launin eru ágæt og það virðist vera búið að taka þá ákvörðun að leggja niður kosningar svo það verður bara hægt að hirða launin áfram sama hvað kemur upp úr kössunum. Enda veit enginn lengur hvað kemur upp úr kössunum, hvað þá að mönnum sé ekki bara drull. Árið hefur semsagt einkennst af vonbrigðum. Bólusetningarnar sem áttu að redda öllu stóðu ekki undir væntingum. Þríeykið sligaðist undan þyngd fálkaorðunnar og eftirlét samtökum atvinnulífsins að semja sóttvarnarreglur. Bjór hækkaði í verði. Bjór. Hækkaði. Í. Verði. Því ef það er eitthvað sem einkennir jólabjórframboð hinna íslensku brugghúsa, stórra og smárra, á þessu guðsvolaða ári, þá er það helvítis okurverðið. Bjórgerðarmenn hafa tekið til sín slagorð Alþýðusambandsins um að það s
Lesa meira

Jólabjórrýni Feitabjarnar 2022

-
Mynd
Heimur versnandi fer. Það er ekki laust við að almenningur sé pínu sleginn nú í lok þessa herrans árs tvö þúsund tuttugu og tvö. Við vorum rétt skriðin upp úr umgangspestinni með sínum takmörkunum, valdboðuðu sprautum og innilokunum. Voru fleiri en Feitibjörn sem héldu að nú tæki við betri tíð með blóm í haga? Það var nú meiri djöfuls barnaskapurinn. Hvað fengum við? Jú, eitt viðbjóðslegt stríð til dæmis. Og við klöppum okkur á bakið fyrir það hvað við séum góð að taka á móti fáeinu fólki á flótta úr þessu stríði en á sama tíma erum við enn að senda sakleysingja út í óvissuna ef þau eru öðruvísi en við á litinn og trúa á annan guð. Mjög jólalegt. Nú er meiraðsegja verið að draga fólk upp úr hjólastólum til að henda því úr landi. En við eigum ekki að kvarta, við höfum það jú svo ofboðslega gott á þessu frábæra landi, sjáiði til dæmis bara hvað það gekk vel að selja pabba fjármálaráðherrans banka? Helvítis fokking fokk. En árið er senn á enda og búðirnar fyllast af jólabjórum enn eina f
Lesa meira

Feitibjörn tekur pásu

-
 Kæru vinir Verkefnið að smakka og dæma hvern einasta íslenska jólabjór hefur vaxið með ári hverju. Feitibjörn hefur verið svo heppinn að geta reitt sig á góðra vina hjálp síðustu misserin og það hefur verið bæði gaman og gefandi. Þakklæti til frú Feitabjarnar, Koppa-Krissa og svo er það hann elsku Immagaddus. Þessi nöfn segja ykkur auðvitað ekki neitt, sem er alveg eins og það á að vera. En Immagaddus féll frá á sviplegan hátt fyrir nokkrum vikum. Hans er sárt saknað og einhvern veginn finnur Feitibjörn ekki hjá sér löngun til að fara í hina árlegu risasmökkun akkúrat núna.  Vona að þið skiljið þetta og hittumst vonandi hress að ári.
Lesa meira