Ekki veikur, en þunnur. Does that count?

-
Ég fékk gagnrýni í gær. Skammaður af Immagaddusi fyrir að vera hættur að blogga. Greinilega við hestaheilsu semsagt. En það er nú reyndar búið að vera soldið að gera í vinnunni og soleis. En nú er ég kominn í páskafrí.

Sem þýðir að ég má ekki tala við Önnu næstu 10 daga.

Annars er ég búinn að vera mjög duglegur (eða dúlegur eins og Valdís segir) að vera í góðum félagsskap undanfarna daga. Á föstudaginn vorum við Nikki í spurningakeppninni á Grand Rokk. Gekk frekar illa og við höfum rætt um að taka okkur smá frí frá þessari keppni. Það endist sennilega fram á næsta föstudag. En Nikka tókst að ljúga út matarboð í framhaldi af þess á föstudaginn þannig að við vorum með hann og Dóró í mat. Hún var ágæt en Nikki frekar seigur undir tönn.

Á laugardaginn vakti Nikki mig svo og dró mig út að skokka. Grínlaust! Og ég fór í hnénu og þurfti að labba heim (með viðkomu hjá Chris sem gaf mér ekki einu sinni bjór) en Nikki hélt áfram að skokka alveg fram á kvöld en þá sótti hann mig enn og aftur og nú var farið á Oliver að hlusta á Fredo Corleone eða eitthvað álíka. Ítalskur DJ semsagt. Og það var nú bara alveg allt í lagi. Allavega er ég núna afar þunnur að horfa á Liverpool leik. Allir saman nú: Nil all! Ni-i-il all! Liverpool game and I wanna go home.

Sem eyðilagðist reyndar því Hugh Hefner hélt uppá 80 ára afmælið sitt með því að skora fyrir Liverpool.

Ummæli

Skrifa ummæli

Vinsælar færslur af þessu bloggi

Jólabjórrýni Feitabjarnar 2021

-
Mynd
  Djöfullinn danskur! Þá er enn eittt árið að renna sitt skeið á enda og ekki hefur það nú verið neitt frábært, sama hvort þú ert launaþræll hjá ferðaþjónustufyrirtæki, kennari eða hjúkka. Ef þú ert þingmaður hefur árið reyndar örugglega verið fínt því launin eru ágæt og það virðist vera búið að taka þá ákvörðun að leggja niður kosningar svo það verður bara hægt að hirða launin áfram sama hvað kemur upp úr kössunum. Enda veit enginn lengur hvað kemur upp úr kössunum, hvað þá að mönnum sé ekki bara drull. Árið hefur semsagt einkennst af vonbrigðum. Bólusetningarnar sem áttu að redda öllu stóðu ekki undir væntingum. Þríeykið sligaðist undan þyngd fálkaorðunnar og eftirlét samtökum atvinnulífsins að semja sóttvarnarreglur. Bjór hækkaði í verði. Bjór. Hækkaði. Í. Verði. Því ef það er eitthvað sem einkennir jólabjórframboð hinna íslensku brugghúsa, stórra og smárra, á þessu guðsvolaða ári, þá er það helvítis okurverðið. Bjórgerðarmenn hafa tekið til sín slagorð Alþýðusambandsins um að það s
Lesa meira

Jólabjórrýni Feitabjarnar 2022

-
Mynd
Heimur versnandi fer. Það er ekki laust við að almenningur sé pínu sleginn nú í lok þessa herrans árs tvö þúsund tuttugu og tvö. Við vorum rétt skriðin upp úr umgangspestinni með sínum takmörkunum, valdboðuðu sprautum og innilokunum. Voru fleiri en Feitibjörn sem héldu að nú tæki við betri tíð með blóm í haga? Það var nú meiri djöfuls barnaskapurinn. Hvað fengum við? Jú, eitt viðbjóðslegt stríð til dæmis. Og við klöppum okkur á bakið fyrir það hvað við séum góð að taka á móti fáeinu fólki á flótta úr þessu stríði en á sama tíma erum við enn að senda sakleysingja út í óvissuna ef þau eru öðruvísi en við á litinn og trúa á annan guð. Mjög jólalegt. Nú er meiraðsegja verið að draga fólk upp úr hjólastólum til að henda því úr landi. En við eigum ekki að kvarta, við höfum það jú svo ofboðslega gott á þessu frábæra landi, sjáiði til dæmis bara hvað það gekk vel að selja pabba fjármálaráðherrans banka? Helvítis fokking fokk. En árið er senn á enda og búðirnar fyllast af jólabjórum enn eina f
Lesa meira

Feitibjörn tekur pásu

-
 Kæru vinir Verkefnið að smakka og dæma hvern einasta íslenska jólabjór hefur vaxið með ári hverju. Feitibjörn hefur verið svo heppinn að geta reitt sig á góðra vina hjálp síðustu misserin og það hefur verið bæði gaman og gefandi. Þakklæti til frú Feitabjarnar, Koppa-Krissa og svo er það hann elsku Immagaddus. Þessi nöfn segja ykkur auðvitað ekki neitt, sem er alveg eins og það á að vera. En Immagaddus féll frá á sviplegan hátt fyrir nokkrum vikum. Hans er sárt saknað og einhvern veginn finnur Feitibjörn ekki hjá sér löngun til að fara í hina árlegu risasmökkun akkúrat núna.  Vona að þið skiljið þetta og hittumst vonandi hress að ári.
Lesa meira