Að eilífu, amen!

-
Fór á leikhús í kvöld. Kom mér endanlega í skilning um hvers vegna ég er hættur að nenna í íslenskt leikhús. Því þetta var rússneskt, en þeirra útgáfa af íslensku leikriti. Og maður sá hvað hægt er að gera þegar maður er með alvöru leikara. Leikara sem vinna vinnuna sína af fagmennsku og nákvæmni. Íslenskir leikarar komast upp með agalega óagaðan leik, soldið eins og frægustu kvikmyndastjörnur heims þurfa ekki að leika, þær þurfa bara að mæta og vera Julia Roberts, eða Russell Crowe. Ísland er nottla svo flott og fremst í öllu að okkar leikarar eru á við megahollywoodstjörnur. Yeah, og Heiðar Helguson er massastriker. Íslenskur leikari þarf yfirleitt bara að vera tvennt. Þá er hann góður. Dæmi: Hávær og sætur = Hilmir Snær. Hávær og ljótur = Ingvar Sigurðarson. Hávær og sleazy = Baltasar Kormákur. Sambrýndur og sætur = Björn Hlynur. Sambrýndur og ljótur = Stefán Karl. Sambrýndur og sleazy = Steinn Ármann.
Og ég held ég sleppi því alveg að tala um stelpurnar. Þeim nægir yfirleitt að vera dóttir einhvers.

Heyrðu og hérna ekki vera feimin við að kommenta þó ég hafi sett smá varnagla á kerfið. Eina sem þarf er að skrifa orðið sem birtist á skjánum svo ég viti að það er manneskja að kommenta. Kæri mig ekki um að fá fleiri komment með tilboðum um að fjárfesta í erfðabreyttum eldivið.

Ummæli

Unknown sagði…
Hef að vísu ekki verið mikið í íslenku leikhúsi síðustu 15 árin
en get sagt þér að til dæmis upfærslan á Road á litla sviðinu
bar höfuð og herðar yfir uppfærslu á sama stykki sem ég sá hérna í Svíþjóð.
Sú íslenska var mun kraftmeiri og markvissari.

Ég get svo sem verið sammála þér í því að svo virðist sem þeir sem
taka inn í leiklistarskólann á íslandi fari meira eftir útliti og nöfnum en
leikgæðum þegar tekið er inn.

En alfæringar þínar krefjast eiginlega heillar ritgerðar um hvað það að leika
er og hvers maður getur krafist af leikaranum, ég nenni því ekki núna
þannig að ég reyni að halda mig á yfirborðinu,
og sökkva mér ekki niður í of djúpar pælingar.


Er kannski hægt að skilgreyna

að vera hlutverkið (amerískir bíóleikarar)
að leika hlutverkið (enskir leikarar, og john malkovich)
að ráðast á hlutverkið, berjast við það
(austurevrópskir leikarar, tilraunaleikhús)

btw mun undirritaður verða sviðinn af sviðsljósum eftir 2 ára hlé
í vor. mun verða
Hávær,
Sætur,
Ljótur
Sleazy
Sambrýndur

meir um það síðar...
12 september, 2005 14:47
Skrifa ummæli

Vinsælar færslur af þessu bloggi

Jólabjórrýni Feitabjarnar 2021

-
Mynd
  Djöfullinn danskur! Þá er enn eittt árið að renna sitt skeið á enda og ekki hefur það nú verið neitt frábært, sama hvort þú ert launaþræll hjá ferðaþjónustufyrirtæki, kennari eða hjúkka. Ef þú ert þingmaður hefur árið reyndar örugglega verið fínt því launin eru ágæt og það virðist vera búið að taka þá ákvörðun að leggja niður kosningar svo það verður bara hægt að hirða launin áfram sama hvað kemur upp úr kössunum. Enda veit enginn lengur hvað kemur upp úr kössunum, hvað þá að mönnum sé ekki bara drull. Árið hefur semsagt einkennst af vonbrigðum. Bólusetningarnar sem áttu að redda öllu stóðu ekki undir væntingum. Þríeykið sligaðist undan þyngd fálkaorðunnar og eftirlét samtökum atvinnulífsins að semja sóttvarnarreglur. Bjór hækkaði í verði. Bjór. Hækkaði. Í. Verði. Því ef það er eitthvað sem einkennir jólabjórframboð hinna íslensku brugghúsa, stórra og smárra, á þessu guðsvolaða ári, þá er það helvítis okurverðið. Bjórgerðarmenn hafa tekið til sín slagorð Alþýðusambandsins um að það s
Lesa meira

Jólabjórrýni Feitabjarnar 2022

-
Mynd
Heimur versnandi fer. Það er ekki laust við að almenningur sé pínu sleginn nú í lok þessa herrans árs tvö þúsund tuttugu og tvö. Við vorum rétt skriðin upp úr umgangspestinni með sínum takmörkunum, valdboðuðu sprautum og innilokunum. Voru fleiri en Feitibjörn sem héldu að nú tæki við betri tíð með blóm í haga? Það var nú meiri djöfuls barnaskapurinn. Hvað fengum við? Jú, eitt viðbjóðslegt stríð til dæmis. Og við klöppum okkur á bakið fyrir það hvað við séum góð að taka á móti fáeinu fólki á flótta úr þessu stríði en á sama tíma erum við enn að senda sakleysingja út í óvissuna ef þau eru öðruvísi en við á litinn og trúa á annan guð. Mjög jólalegt. Nú er meiraðsegja verið að draga fólk upp úr hjólastólum til að henda því úr landi. En við eigum ekki að kvarta, við höfum það jú svo ofboðslega gott á þessu frábæra landi, sjáiði til dæmis bara hvað það gekk vel að selja pabba fjármálaráðherrans banka? Helvítis fokking fokk. En árið er senn á enda og búðirnar fyllast af jólabjórum enn eina f
Lesa meira

Feitibjörn tekur pásu

-
 Kæru vinir Verkefnið að smakka og dæma hvern einasta íslenska jólabjór hefur vaxið með ári hverju. Feitibjörn hefur verið svo heppinn að geta reitt sig á góðra vina hjálp síðustu misserin og það hefur verið bæði gaman og gefandi. Þakklæti til frú Feitabjarnar, Koppa-Krissa og svo er það hann elsku Immagaddus. Þessi nöfn segja ykkur auðvitað ekki neitt, sem er alveg eins og það á að vera. En Immagaddus féll frá á sviplegan hátt fyrir nokkrum vikum. Hans er sárt saknað og einhvern veginn finnur Feitibjörn ekki hjá sér löngun til að fara í hina árlegu risasmökkun akkúrat núna.  Vona að þið skiljið þetta og hittumst vonandi hress að ári.
Lesa meira