Wardrobe malfunction

-
...var hugtakið sem Janet Jackson og Justin Timberlake bjuggu til þegar hann sýndi óvart á henni part af brjósti, sem fór svo fyrir brjóstið á Amríkönum (því Amrískar sómakærar konur eru auðvitað ekki með brjóst, a.m.k. ekki frá náttúrunnar hendi) að þeir ætluðu að fara í skaðabótamál við sjónvarpsstöðina. Skiljanlega, því ef þú ætlar að horfa á Super Bowl þá viltu ekki sjá hálfnakta kvenlíkama. Þessvegna fer amríski bolurinn fram í eldhús og nær í bjór (eða það sem amrískir karlmenn kalla bjór, og við hinir köllum pilsner) meðan klappstýrurnar hrista brjóstin framan í myndavélarnar. Enda vilja amrískir karlmenn ekki sjá klappstýrur hrista brjóstin framan í myndavélar meðan á fótboltaleik (eða því sem amrískir karlmenn kalla fótbolta, og við hinir köllum "ruðning", svona eins og maður sé að troða sér framfyrir í röðinni á Sirkus) stendur. Þegar amrískir karlmenn (eða það sem þeir kalla karlmenn, og við hinir köllum tsjöllingar) vilja sjá klappstýrur hrista brjóstin framan í myndavélar þá fara þeir á klámsíður á netinu.

Þetta varð aðeins lengra en ég ætlaði, ég hef greinilega sterkari skoðanir á amrískum karlmönnum en ég hélt. En ástæðan fyrir fyrirsögninni er sú að við hjónin lentum í "wardrobe malfunction" í gær. En nei, ef þið haldið að ég hafi rifið hana óvart úr bolnum meðan við horfðum á MUTV þá var það ekki þannig. Við vorum nebbla að kaupa okkur fataskáp (e. wardrobe) sem kom sendur til okkar í skutlu (ekki samt klappstýruskutlu) og þegar við opnuðum pakkann og ætluðum að fara að setja saman húsgagnið kom í ljós að það var brotið. Þannig að nú þarf minns að fara aftur upp í Garðabæ (og ég þoli ekki Garðabæ, alveg síðan ég bjó þar í bílskúr fyrir mörgum árum síðan) og sækja varahluti í skápinn. Pældíðí ef Justin hefði þurft að fara upp í Garðabæ til að sækja varahluti í brjóstin hennar Janetar.

En ég ætla að reyna að muna að taka myndavél með mér á Mánagötu í kvöld (ath. við erum semsagt ekki flutt full time, heldur var nóttin um daginn bara svona tilraun) svo ég geti sýnt hvað er búið og hvað er enn óklárað, svo maður fái svona before and after fíling.

Ummæli

Skrifa ummæli

Vinsælar færslur af þessu bloggi

Jólabjórrýni Feitabjarnar 2021

-
Mynd
  Djöfullinn danskur! Þá er enn eittt árið að renna sitt skeið á enda og ekki hefur það nú verið neitt frábært, sama hvort þú ert launaþræll hjá ferðaþjónustufyrirtæki, kennari eða hjúkka. Ef þú ert þingmaður hefur árið reyndar örugglega verið fínt því launin eru ágæt og það virðist vera búið að taka þá ákvörðun að leggja niður kosningar svo það verður bara hægt að hirða launin áfram sama hvað kemur upp úr kössunum. Enda veit enginn lengur hvað kemur upp úr kössunum, hvað þá að mönnum sé ekki bara drull. Árið hefur semsagt einkennst af vonbrigðum. Bólusetningarnar sem áttu að redda öllu stóðu ekki undir væntingum. Þríeykið sligaðist undan þyngd fálkaorðunnar og eftirlét samtökum atvinnulífsins að semja sóttvarnarreglur. Bjór hækkaði í verði. Bjór. Hækkaði. Í. Verði. Því ef það er eitthvað sem einkennir jólabjórframboð hinna íslensku brugghúsa, stórra og smárra, á þessu guðsvolaða ári, þá er það helvítis okurverðið. Bjórgerðarmenn hafa tekið til sín slagorð Alþýðusambandsins um að það s
Lesa meira

Jólabjórrýni Feitabjarnar 2022

-
Mynd
Heimur versnandi fer. Það er ekki laust við að almenningur sé pínu sleginn nú í lok þessa herrans árs tvö þúsund tuttugu og tvö. Við vorum rétt skriðin upp úr umgangspestinni með sínum takmörkunum, valdboðuðu sprautum og innilokunum. Voru fleiri en Feitibjörn sem héldu að nú tæki við betri tíð með blóm í haga? Það var nú meiri djöfuls barnaskapurinn. Hvað fengum við? Jú, eitt viðbjóðslegt stríð til dæmis. Og við klöppum okkur á bakið fyrir það hvað við séum góð að taka á móti fáeinu fólki á flótta úr þessu stríði en á sama tíma erum við enn að senda sakleysingja út í óvissuna ef þau eru öðruvísi en við á litinn og trúa á annan guð. Mjög jólalegt. Nú er meiraðsegja verið að draga fólk upp úr hjólastólum til að henda því úr landi. En við eigum ekki að kvarta, við höfum það jú svo ofboðslega gott á þessu frábæra landi, sjáiði til dæmis bara hvað það gekk vel að selja pabba fjármálaráðherrans banka? Helvítis fokking fokk. En árið er senn á enda og búðirnar fyllast af jólabjórum enn eina f
Lesa meira

Feitibjörn tekur pásu

-
 Kæru vinir Verkefnið að smakka og dæma hvern einasta íslenska jólabjór hefur vaxið með ári hverju. Feitibjörn hefur verið svo heppinn að geta reitt sig á góðra vina hjálp síðustu misserin og það hefur verið bæði gaman og gefandi. Þakklæti til frú Feitabjarnar, Koppa-Krissa og svo er það hann elsku Immagaddus. Þessi nöfn segja ykkur auðvitað ekki neitt, sem er alveg eins og það á að vera. En Immagaddus féll frá á sviplegan hátt fyrir nokkrum vikum. Hans er sárt saknað og einhvern veginn finnur Feitibjörn ekki hjá sér löngun til að fara í hina árlegu risasmökkun akkúrat núna.  Vona að þið skiljið þetta og hittumst vonandi hress að ári.
Lesa meira