FEITIBJÖRN!!!

Ísland 2030

2009-10-31T15:30:00.001Z

Árið 2030 var Sjálfstæðisflokkurinn í mikilli baráttu gegn andstæðingum sínum. Baráttu sem virtist vera töpuð. Færustu sérfræðingar Flokksins sáu að upphafið að endalokunum var á árabilinu 2003-2004 þegar DO lenti í mótbyr og flúði úr ráðherraembætti í Seðlabankann.
Til að breyta þessari óhagstæðu fortíð var ákveðið að senda vélmennið Skaftenegger aftur í tímann til ársins 2003 - forritaðan til að styðja Foringjann í baráttunni við Andófsöflin og um fram allt að fá Foringjann til að hætta við að hætta. Vélmennið var forritað til að lofsyngja Foringjann við hvert tækifæri og hvetja aðra til trúar á hann. Það mátti búast við góðum undirtektum því Foringjadýrkun var talsvert útbreidd trúarbrögð á þessu tímaskeiði.
Skaftenegger komst heilu og höldnu aftur í tímann en fljótlega kom í ljós að eitthvað var bogið við þau viðbrögð sem hann fékk við trúboðinu. Í hvert skipti sem hann dró upp Morgunblaðið og lofsöng Foringjann fór fólk ýmist að hlæja eða að fussa og sveia. Brátt sýndi það sig að mistök höfðu verið gerð við fínstillingu tímavélarinnar. Hann hafði verið sendur til ársins 2009 í stað 2003. Því miður var Skaftenegger dálítið frumstæð útgáfa af vélmenni og ekki hægt að endurforrita hann á hraðvirkan hátt og losna þannig við Foringjadýrkunina.
Til að bregðast við þessu og reyna að kveikja á nauðsynlegum díóðuljósum inni í höfði Skafteneggers voru gerðar margar vélmennisútgáfur af DO og einnig sendar aftur í tímann. Sumar útgáfurnar lofsungu útrásarvíkinga með húrrahrópum meðan aðrar vöruðu við þeim í lágværum en alvarlegum tón. Lokamarkmiðið var að rugla stýrikerfi Skafteneggers það mikið að hann mundi setja af stað hjá sér innbyggt sjálfseyðingarferli þegar hann teldi að förin hefði misheppnast.
Því miður leiddi þetta ferli hins vegar til stórstyrjaldar milli mismunandi útgáfa af DO og á nýjum vinnustað hans þurfti að byggja sérstakt búr utan um þær til að starfsfólkið sæi þær ekki beinlínis rífast og slást sín á milli.
Þrautalendingin varð sú að fresta framtíðinni endanlega og festa þjóðfélagið inni í lokaðri tímalykkju - svokallaðri Icesavelykkju - þar sem sömu hlutir endurtóku sig aftur og aftur með örlitlum tilbrigðum - án þess að nein raunveruleg breyting yrði á nokkrum hlut.
Ein óvæntastasta afleiðingin af þessu síðasta herbragði varð sú að vélmennið Skaftenegger fékk nýjan tilgang og kom allt í einu að raunverulegu gagni. Inni í lokaðri hringrás tímalykkjunnar fengu margþvældar og bragðlausar tuggur hans um Foringjann á sig ákveðinn raunveruleikablæ og hjálpuðu til við að beina athygli fólks frá því hversu undarlegt það væri að sömu hlutirnir væru að gerast aftur og aftur á landinu og að ekkert breyttist í raun - sama hversu mikill tími virtist líða. Þessi velgengni Skafteneggers náði að lokum svo langt að ákveðin tegund af rökvillu þar sem rökræður eru hindraðar með því að hengja sig í afmarkaða frasa um menn og málefni fékk nafnið Terminator Logic út frá gælunafni hins þrautseiga og geðþekka vélmennis.

Ferðin til Slóvakíu - 7. kafli

2009-10-30T09:54:00.001Z

Skoðunarferð um Zilina leiddi í ljós að það er hægt að fara úr öskunni í eldinn. Ég var búinn að minnast á að hinn sovéski byggingastíll sem blasti við mér í höfuðborginni hafi farið í taugarnar á mér. En innan um kirkjur, kastalarústir og aðrar merkar byggingar í Zilina er nú verið að slá upp hverri kringlunni á fætur annarri og sagði leiðsögumaðurinn okkur frá því að fundist hefðu mannvistarleifar frá miðöldum þegar byrjað var að grafa fyrir risastóru bílastæðahúsi í miðborginni. Réttur maður fékk rétta upphæð og jarðýturnar héldu áfram eins og ekkert hefði í skorist. Við vorum sem sagt bara tvö eftir í bænum af ráðstefnugestum, ég og miðaldra frönsk kona sem hefur unnið með þeim slóvakísku í fjöldamörg ár. Þegar hinni stórskemmtilegu skoðunarferð var lokið nennti ég ekki alveg að þvælast með henni um bæinn í búðarleiðangri þannig að ég afsakaði mig, fór í stuttan leiðangur uns ég fann Grand Rokk þeirra Zilina-búa. Munurinn var helst sá að bjórinn kostaði sem nemur 150 íslenskum krónum og það mátti reykja inni. Eftir tvo bjóra og fjögur hóstaköst hélt ég áfram og endaði í barnafataverslun hvar ég hitti þá frönsku. Við ákváðum að fá okkur einn drykk og ná svo sjö-lestinni aftur heim á hótel. Eða réttara sagt aftur til Rajecke Teplice, sem er lítill ferðamannabær hvar hótelið er staðsett. Ekki vildi samt betur til að við fórum úr lestinni á stöð sem kallaðist Rajecke Teplice en fundum hótelið engan veginn. Stoppuðum loks ungan mann á sportbíl sem sendi okkur rétta leið. Þegar við loks komumst á hótelið sat þar Marian, sem er aðalskipuleggjandinn, en hann hafði gert sér aukaferð eftir að hafa snætt kvöldverð með fjölskyldunni og svæft börnin, bara til þess að færa mér flösku af slóvakísku rauðvíni. Maður klökknaði nú bara. Nújæja, eftir enn einn risakvöldverðinn – Slóvakar eru miklir matgæðingar, borða góðan mat og mikið af honum – voru það þrír bjórar á hótelbarnum, þar sem afgreiðslustúlkan var farin að brosa allan hringinn þegar hún sá mig koma (ég gaf henni ágætis þjórfé) og svo var lagst í koju. Vekjaraklukkan í gemsanum stillt á 4:45 og góða nótt. Einhverntímann undir morgun vaknaði ég, greip gemsann og gáði hvað tímanum liði. Rétt rúmlega fjögur. Fram að pissa. Leit svo á armbandsúrið sem sagði mér að klukkan væri tíu mínútur yfir fimm. Ég hafði nefnilega stillt armbandsúrið á mið-evrópskan tíma en ekki gemsann. Eins gott að ég var búinn að pakka, dreif mig í fötin og fram í anddyri þar sem taugaveiklaður bílstjóri beið eftir mér. Sem betur fer náði ég rútunni og sú var ekkert slor. Allt öðruvísi en blikkdósin sem ég þurfti að kúldrast með þegar ég var á leið hingað. Ég gat meiraðsegja hallað aftur sætinu og lagt mig stundarkorn. Í ofanálag var rútan á undan áætlun til Bratislava þannig að ég náði rútu til Vínar sem var rétt að fara, hefði annars þurft að bíða í tæpan hálftíma hjá ungfrú Ikarus. Nú búinn að tékka mig inn og bíð þess að kallað verði um borð eftir tæpa tvo tíma.

Ferðin til Slóvakíu - 6. kafli

2009-10-29T12:05:00.003Z

Í morgun var byrjað á því að sýna okkur stutta kvikmynd. Sú var verk fransks nema í kvikmyndagerð sem vann með náminu sem stuðningsfulltrúi. Þjónustuþeginn var unglingur með vöðvarýrnun sem var meðal þeirra fyrstu sem voru teknir inn í franska menntakerfið þegar þeir byrjuðu á slíku. Skemmst er frá að segja að drengur virtist vera mun hæfileikaríkari sem stuðningsfulltrúi en sem kvikmyndagerðarmaður en hinum slóvakísku vinum mínum þótti myndin afar merkileg og dældu á okkur útlendingana spurningum um alls konar hluti sem þessum málum tengjast. Persónulega tókst mér held ég best upp þegar ég hélt ræðu um að fram undan væri áratuga barátta við að breyta hugarfari þjóðarinnar. Það þyrfti að byrja núna að hleypa nemendum með sérþarfir inn í skólakerfnið og sennilega yrði það auðveldast á leikskólastiginu. Það yrði þó ekki fyrr en leikskólabörn nútímans yrðu fullorðin og stofnuðu fyrirtæki sem eiga mætti von á að eitthvert pláss yrði fyrir fólk með sérþarfir á vinnumarkaðnum.

Hluti verkefnis þess sem við erum að ýta úr vör er að til stendur að framleiða fræðslumynd um hvernig aðlögun barna með sérþarfir á að ganga fyrir sig. Meðal annars verður tekið upp efni í heimsóknum Slóvaka til Norðurlandanna og notað í myndina. Nolló er semsagt á barmi heimsfrægðar. Restin af morgninum fór í þankahríð um innihald og efnistök og skemmst frá því að segja að mér tókst að lauma ansi miklum Nollóisma inn í ferlið. Það verður spennandi að sjá á vordögum 2011 hvort eitthvað af því skilar sér í myndina þegar hún er tilbúin.

Framundan er afslöppun það sem eftir lifir dags, skoðunarferð um Zilina, sundsprettur og kannski nuddpottur og svo endar með því að maður þarf að drulla sér í koju því það er ræs klukkan hálffimm að staðartíma - sem er hálffjögur að íslenskum.

Ferðin til Slóvakíu - 5. kafli

2009-10-28T17:24:00.001Z

Eins og mig hafði reyndar grunað var planið eftir hádegi að við útlendinarnir settumst niður með aðalskipuleggjanda verkefnisins og leggðum plön um aðkomu okkar, bæði að málþingi sem á að halda hér næsta haust, svo og heimsóknum frá Slóvakíu til okkar landa. Fyrst var rætt um málþingið og hvað við teldum að gæti komið sér vel fyrir Slóvaka að læra af okkur. Það var pínulítið erfitt þar sem yfirskrift málþingsins tengir saman tvö málefni sem okkur Norðurlandabúum (og frönsku júffertunni) þykja alls ótengd en eru mjög náin í slavneskum huga, en það eru annars vegar einelti og hins vegar aðlögun fatlaðra nemenda í skólakerfinu. Skipuleggjandinn hristi höfuðið þegar við vildum ræða um aðlögun þroska- og geðfatlaðra og sagði að slíkt væri alls ekki hægt. Hváði svakalega þegar við sögðum honum að þetta viðgengist í okkar löndum. Öllu erfiðara var þegar danska frúin sem vinnur mikið í málefnum sem tengjast mansali, vændi og kynbundnu ofbeldi, vildi koma með fyrirbyggjandi innlegg í slóvakíska menntakerfið í formi kynfræðslu. Kæmi aldrei til mála, sagði aðal, enda hefur kaþólska kirkjan hreðjatak á menntayfirvöldum og bannar allt slíkt. En niðurstaðan var að lokum ásættanleg fyrir alla og nú bíður mín að fá stjórnendur og sérkennsluteymi Norðlingaskóla að samþykkja það sem ég hef ákveðið fyrir þeirra hönd. Hlakka til að taka þann slag.

Þá var komið að því að ræða heimsóknir Slóvaka til Norðurlandanna. Það kom í okkar hlut að taka við sex framhaldsskólanemendum sem verða svo “heppnir” að vinna námsferð til Íslands í rit- og málverkasamkeppni um einelti og fötlun. Þessi hluti fundarins gekk fljótt og vel fyrir sig. En þá vandaðist málið. Nú þurfti að ræða fjármál, fjölda launaðra daga, skiptingu á milli framlags okkar sem “experts” – sem er kostað af EFTA – og sem “partners” – sem er kostað af DAFNE, sem eru samtökin sem standa fyrir þessu öllu saman. Það eru semsagt ekki slóvakísk menntayfirvöld eins og ég hélt, heldur DAFNE sem er NGO (non-governmental organization) sem hefur mest verið að starfa í forvörnum og félagslegum vandamálum. Ég var eins og álfur út úr hól í þessari umræðu en kellingarnar þrjár söltuðu skipuleggjandann trekk í trekk og ég sat bara og kinkaði kolli ábúðarfullur. Þegar niðurstaða lá svo loks fyrir var farið að tala um dagsetningar á málþingi og heimsóknum. Málþingið var okkur sagt að væri í júní svo ég skrapp niður á herbergi til að kíkja á skóladagatalið og finna út hvenær kennslu lyki í Nolló. Þegar ég kom aftur upp var skipuleggjandinn með egg á andlitinu (ekki bókstaflega) því hann hafði verið að rugla og þetta átti að vera í október. Úr varð að málþingið verður 27-29/9 árið 2010 og Nolló má senda tvo fulltrúa. Meira um það síðar. Eða ekki. Heimsókn hinna heppnu framhaldsskólanema verður þremur vikum fyrr eða 6-9/9 og allt í góðu með það. Nú var komið að lokum vinnudagsins og hóparnir sem höfðu verið að vinna saman fluttu skýrslur um störf sín. Þegar kom að okkur stóð skipuleggjandinn upp og flutti ódauðlega ræðu um hvað við hefðum verið dugleg. Kom þá á daginn að dagsetningarnar pössuðu engan veginn því það væri allt of stuttur tími til að velja sigurvegara í keppnina á haustönn. Eftir mikið japl og jaml og fuður þar sem nánast hver einasti viðburður hafði verið færður var endað á því að flýta samkeppninni þannig að þessar dagsetningar standa. Þetta var svei mér þá eins og að maður væri á starfsmannafundi í Nolló að ræða dagsetningu á árshátíð.

Ferðin til Slóvakíu - 4. kafli

2009-10-28T12:53:00.001Z

Morguninn hófst á því að enn lét ég þjónustufólk skamma mig – fór semsagt í morgunmat og settist ekki við rétt borð. Umhugsunarefni hvaða augum landsmenn líta þjónustustörf. Fundurinn fór afskaplega hægt af stað. Ég hafði látið vita kvöldið áður að ég þyrfti að komast í prentara svo ég gæti haft glærupunktana mína við hendina meðan ég talaði. Var sagt að mæta bara vel tímanlega og þessu yrði kippt í liðinn svo ég var mættur klukkan átta en þá kom á daginn að eina tölvan á hótelinu sem var með USB-tengi var læst inni á skrifstofu hótelstjórans sem ekki væri væntanlegur fyrr en klukkan níu. Einmitt þá sem fundur átti að hefjast. Ég beið því rólegur og þegar hótelstýran (sem hún reyndist vera) var mætt fór ég inn á skrifstofu til hennar en hún gat ekki fyrir nokkra muni skilið hvað ég átti við með “print out notes pages” – hún vildi prenta handout semsagt. Nú voru góð ráð dýr því þótt hún leyfði mér að setjast við tölvuna voru allar leiðbeiningar á slóvakísku. Með ótrúlegu harðfylgi tókst mér að finna út á nokkrum sekúndum hvaða orð Slóvakar nota yfir “glósur” og breytti prentun í svart-hvítt í þokkabót til að spara tíma. Greip svo heftara af borðinu – við andköf stýrunnar yfir framhleypni minni – og stormaði inn á fund. Þar hlýddi ég á allsherjar kynningu á verkefni því sem hér er verið að hleypa af stokkunum, fílaði mig eins og hjá Sameinuðu Þjóðunum með túlk í heyrnartóli þegar talað var á slóvakísku. Loks var komið að mér að segja frá Nolló og skemmst frá því að segja að fundargestir hrifust mjög – fyrir utan dönsku og norsku kellingarnar sem mér sýndist telja sig vita meira um framgang skólamála á Íslandi en ég – og sennilega rétt hjá þeim. Sú norska spurði mig reyndar þegar ég var sestur: Er du lærer i din skole, eller rektor? Sem mér fannst hrós. Áfram hélt svo kynning á slóvakísku og í heila tvo tíma hlýddi ég á fyrirlestur um minnstu framkvæmdaeiningar og verkaskiptingu sem auðvitað kom mér nákvæmlega ekkert við. Nú eftir hádegið á að fara í gang hópavinna við frekari skipulagningu – þótt mér sýndist reyndar allt vera skipulagt í þaula – og ég veit ekki hvað í ósköpunum ætlast er til að ég leggi til málanna, sérstaklega þar sem aðeins þrír af öllu slóvakíska stóðinu tala orð í ensku. En það kemur í ljós síðar.

Ferðin til Slóvakíu - 3. kafli

2009-10-27T21:26:00.003Z

Á efri hæð umferðarmiðstöðvar Bratislavaborgar standa tveir gamlir Ikarus-strætisvagnar sem búið er að breyta í kaffihús. Já. Í alvöru. Ég hefði sennilega frekar átt að taka rútuna strax eins og kemur betur í ljós síðar. En mig langaði að skoða mig um í Bratislava sem ég hef alltaf haldið að hlyti að vera mjög falleg borg í klassískum mið-evrópskum anda. En nei. Allavega ekki í grennd við umferðarmiðstöðina. Það tók mig fjórar mínútur að fatta þetta og þá var rútan farin og ekki annað í boði en að finna sér bjór. Eftir að hafa vafrað um umferðarmiðstöðina þvera og endilanga endaði ég fyrir slysni nógu nálægt Ikarus-tvíburunum til að sjá að þar inni stóð fýld stelpa á bak við afgreiðsluborð. Ég fann dyr en á þeim var skilti með slóvakískum texta sem ég skildi ekki. Sem betur fer var neðan við textann píla sem benti til vinstri. Þannig að ég fann næstu dyr, opnaði og gekk inn. Fýlda stelpan hellti sér yfir mig á slóvakísku og þegar ég skildi ekki strunsaði hún að innganginum og skellti hurðinni aftur. Ég minni á að þetta er innandyra. Og endurnýttur strætisvagn. Kannski fylgir óhjákvæmileg fýla því að starfa í strætisvagni, þótt það sé búið að breyta honum í kaffihús. Jæja, ég fékk einn bjór og settist við eldgamla tölvu (korter á netinu kostaði 50 evrusent) og rifjaði upp gamla Windows XP takta. Náði að kíkja aðeins á feisbúkk og viðhalda bjórfréttastatus, dreif mig svo á klóið því framundan átti að vera rúmlega 3ja tíma rútuferð - reyndar hafði rútan frá Vín verið mjög nýtískuleg og þægileg þannig að ég kveið þessu ekki. Það kostaði tíu evrusent að fá að pissa. Rútan reyndist vera frá blómaskeiði kommúnismans og þegar hún loks kom á endastöð í borginni Zilina var ég orðinn ansi aumur í afturendanum. Rútan var hálftíma of lengi á leiðinni - ef ég hefði tekið þá fyrri hefði ég grætt klukkutíma.

Hótelið er hins vegar algjört æði - byggt í fyrra sko - ég er ekki í herbergi heldur íbúð. Eini gallinn við það er að ég get þá ekki sofnað út frá sjónvarpinu. En eftir 15 tíma ferðalag (og mjöög vel útilátinn mat á hótelinu) verð ég ekki í miklum vandræðum með að sofna.

Ferðin til Slóvakíu - 2. kafli

2009-10-27T14:16:00.002Z

Enginn veit hvað átt hefur fyrr en misst hefur. Þetta gildir sérstaklega um nýju þægilegu sætin í Flugleiðavélunum. (OK ég veit að fyrirtækið heitir Icelandair Group eikkað en súmí!) - Þegar maður kúldrast í Fokker 70 frá KLM þá virkar 90 mínútna flugið til Vínar mun lengra en þriggja tíma flugið frá Ísalandi til Amsterdam. En ég er allavega lentur og við tekur rútuferð til Bratislava. Miðað við hvernig flugin hafa gengið reikna ég með að ná léttilega framhaldsrútunni frá Bratislava til Zilina, en er alveg að spá í að missa óvart af henni og spásséra um borgina í hálftíma. Tek svo bara næstu rútu, verð ekki kominn á leiðarenda fyrr en eftir kvöldmat hvort sem er.

Ferðin til Slóvakíu - 1. kafli

2009-10-27T06:18:00.003Z

Suma daga vaknar maður í vondu skapi. Þegar vekjaraklukkan er stillt á 4:20 og gærkvöldið fór í að klára ódýrustu hvítvínsflöskuna í ríkinu er ekki von á góðu. Samt var ég alveg sæmilega civil við frúna sem vakti mig þegar vekjaraklukkunni hafði mistekist. Leigubíllinn sem ég hafði pantað og sagt að koma kl. 4:45 kom heilum tveimur mínútum of seint og þá byrjaði suðan að koma upp, hægt og rólega. Hafði nákvæmlega engan húmor fyrir kommenti bílstjórans um að hann rataði lítið á Nesinu og urraði á hann að betra væri að fara til hægri en vinstri. Enda eru allar beygjur á Seltjarnarnesi hægri beygjur. Smá pólitískur húmor þarna. Ha ha. Á BSÍ var biðröð og klukkuna vantaði fjórar mínútur í fimm. Styttist í brottför og mannhelvítið á undan mér í röðinni var með einhvers konar miðaígildi sem afgreiðslustúlkan kannaðist ekki við. Enn kraumaði bara rólega á mér. Mosi Frændi var settur í gang í i-podinum og sjálf rútuferðin leið hratt og vel. Þegar ég ætlaði að standa upp og ganga frá borði var hins vegar einhver helvítis kellingartussa sem hleypti mér ekki fram á gang heldur tróð sér fram fyrir mig. Nú varð ég fyrst reiður. Tékkaði inn á methraða og lenti á eftir sömu kellingu í röðinni við öryggishliðið. Þurfti að taka sjálfan mig taki því augnaráðið eitt lét mig eflaust líta út sem versta hryðjuverkamann. Næsta skref var að fá sér í svanginn. Skiltið við veitingasöluna blasti við: IGS. Ég var kominn á fremsta hlunn að neita að borga matinn í mótmælaskyni. Mundi svo að þetta stendur fyrir Icelandair Ground Services. Ég var að rugla saman við AGS.

Tímalaus snilld

2009-07-01T12:18:00.003Z

Þó það væri bara fyrir gleraugun sem Felix er með í kynningunni þá er þetta algerlega óborganlegt stöff. Myndbandið er tekið upp á litla sviði Borgarleikhússins, nokkrar ungar stúlkur leika hljómsveitina, meðal annarra eru þar Ásta Hrafnhildur Garðarsdóttir sem síðar stjórnaði Stundinni okkar og Elma Lísa Gunnarsdóttir leikkona. Sjálft bandið sést í mýflugumynd uppi á palli, allir í sama rauða plastjakkanum.

Tímarnir brjálast og mennirnir með

2009-06-06T08:08:00.002Z

plötudómur eftir Jón Agnar Ólason

Það er kunnara en frá þurfi að segja að samfélagsleg óáran er jafnan fyrirtaks gróðrarstía fyrir listsköpun hverskonar, og sú fjárhagslega óöld sem ríkt hefur hér á landi undanfarin misseri hreinlega æpti á að bálreið pönksveit sprytti upp úr tíðarandanum með hnefasteytingum og uppréttum löngutöngum. Þrír bráðvaskir kennarar úr Norðlingaskóla, þeir Björn, Þráinn og Björn, hafa hér svarað kallinu með látum, eins og pönks er von. Hljómsveitin heitir Blóð og platan, sem er fjögurra laga stuttskífa, nefnist Fólkið heimtar Blóð.

Platan er semsé öll innblásin af ástandinu og nöfn laganna, að ekki sé minnst á textana sjálfa, bera hug meðlimanna glöggt vitni. Tónlistin er aukinheldur öll hin hráasta og eflaust tekin upp í saltvondri striklotu. Ekki er plötuumslagið síður hrátt, ljósrituð mynd af forviða kettlingsræksni sem líkast til var látinn hlusta á upptökustundir Blóðs frá upphafi til enda; hlustendur munu margir hverjir reka upp stór augu því þeir Blóðbræður skafa ekki utan af því nema síður sé.

Platan hefst á besta laginu af þeim fjórum, "Icesave". Fyrirtaks ræflarokk hér á ferð með bráðsmellnum texta og grípandi laglínu. "Höfðatorg" er hinsvegar þunglamaleg lagasmíð og auðgleymd. "HFF" (lesendur fara nærri um hvaða landsfræga heróp er hér skammstafað) byrjar á bassaplokki beint upp úr laginu "Isolation" með Joy Division áður en leikar æsast með myljandi gítar og framangreindu Austurvallarherópi. Öðrum texta er ekki til að dreifa og þriggja gripa laglínana er jafn knöpp og söngurinn. Loks er að nefna "Vélinda" en það er hljóðrænt séð ágætis æfing í pönki beint upp úr kokkabókum Sex Pistols, að því marki að söngurinn hljómar sem Johnny Rotten hafi lært íslensku og tekið lagið með sveitinni. Textinn er óvægið níðkvæði um fyrrverandi forsætisráðherra Íslands (þeir kumpánar klykkja út með línunni "Vonum að þér batni seint!") og gangi pönk almennt út á smekkleysu þá hefur hljómsveitin Blóð náð markmiði sínu með bravúr.

Í það heila þokkalegasta pönkmúsík, brokkgeng en á sína spretti. Óskandi væri að fleiri lög væru í sama gæðaflokki og úrvalsgott upphafslagið hvar þeir kyrja "I save, you save, we all save for Icesave," en illu heilli er því ekki að heilsa.

Mesta furða

2009-06-02T00:22:00.001Z

...hvað Mosi Frændi reynist hafa verið góð hljómsveit!

Ævintýraferð

2009-06-01T14:18:00.003Z

Í lok febrúar ákváðum við hjónin að þegar kæmi að hvítasunnu væri kominn tími á helgarferð í sumarbústað. Þar sem Kvistur er fullkaldur svo snemma sumars (hvorki rafmagn né heitt vatn) þá kýldum við á pöntun í gegnum Kennarasamband Íslands og fengum okkur hús með öllu á Flúðum.

Líður nú og bíður.

Eftir strembna vinnuviku var föstudeginum að ljúka og aldrei slíku vant sníkti ég mér far til Reykjavíkur, nánar tiltekið í Skeifuna þar sem Bílaleiga Akureyrar er til húsa. Fékk þar einn lítinn Yaris og hélt vestur á bóginn að sækja fjölskyldu og farangur.

Það var svo ekki fyrr en upp úr átta um kvöldið sem við komum að húsinu og sáum okkur til mikillar skelfingar að fyrir framan voru tveir bílar og ljós inni. Við guðuðum á gluggann og sögðumst telja okkur eiga húsið um helgina. Fólkið sem fyrir var tók þessu með jafnaðargeði, sagði að nú um hvítasunnuhelgina færu fram skipti á húsinu þar sem umsjá með því færðist frá Kennarasambandinu yfir til Eimskipafélags Íslands. Þessi ruglingur hefði komið fyrir áður og væri kennurum að kenna.

Þá tóku við nokkur snörp símtöl og við fengum að vita að engin önnur hús væru laus, um mistök hjá KÍ væri að ræða og þar þætti mönnum þetta mjög leiðinlegt. Okkur byðist gisting á hóteli á Flúðum ásamt fríum mat í sárabætur meðan verið væri að vinna úr flækjunni en ekkert annað hægt að gera fyrir okkur í bili.

Ég var þá einnig spurður hvar ég væri að kenna.

Í Norðlingaskóla, svaraði ég.

Stutt þögn. Þessi sem var að fá verðlaunin frá forsetanum?

Sá hinn sami, sagði ég.

Má ég hringja í þig eftir tuttugu mínútur, spurði konan og ég kvaddi stuttur í spuna og lagði á.

Gistiheimilið reyndist hið huggulegasta og þar var stjanað við okkur eins og kóngafólk. Svo hringdi síminn aftur. Það hafði komið á daginn að Eimskipafélagsmenn lugu eins og þeir voru langir til og við áttum réttinn á húsinu. Þau yrðu komin út fyrir hádegi næsta dag og við fengjum endurgreitt.

Það rættist og úr varð þessi fíni laugardagur í bústað með kolagrilli og heitum potti (ekki rafmagns og ekki nudd eins og heima en flottur samt) - Chris, Hildur og Óðinn bættust í hópinn og við spiluðum Bíóbrot langt fram á nótt.

Úff

2009-06-01T09:30:00.002Z

Þetta lag (í original útgáfu) var á toppi bandaríska smáskífulistans daginn sem ég fæddist. Á undan því hafði verið I heard it through the grapevine með Marvin Gaye og á eftir kom Everyday people með Sly and the Family Stone.

Lítill heimur

2009-06-01T09:25:00.002Z

Fyrir allmörgum árum var ég í leiklistarskóla í London. Nokkrir strákar úr skólanum settu saman fótboltalið og við fórum saman í Regent's Park þar sem strákar úr öðrum leiklistarskóla hittu okkur og við settum á einn kappleik.

Ég var í marki. Okkar lið var mun betra, við lentum að vísu undir með marki úr vítaspyrnu en jöfnuðum fljótlega og komumst svo yfir. Seint í síðari hálfleik, þegar staðan var orðin 5-2 fyrir okkur voru hinir í sókn og ég fór í glannalegt úthlaup og hirti boltann af tánum á þeirra manni.

Sem bölvaði mér í sand og ösku. Á íslensku.

Kom á daginn að þetta var hann Doddi. Við erum víst skyldir í báðar ættir - mamma hans og pabbi minn eru náskyld, sömuleiðis pabbi hans og mamma mín. Við ólumst báðir upp á Nesinu en höfðum til þessa aldrei hist.

Nú var ég að frétta að hann er með barn hjá sömu dagmömmu og ég.

Tveir menn

2009-05-25T20:56:00.000Z

Semsagt þeir Þorsteinn J Vilhjálmsson og Felix Bergsson eru til í að koma fram með Mosa Frænda fimmtudaginn 13. ágúst. Hlakka til.

Blóð og fúss

2009-05-16T12:45:00.000Z

Það er varla hægt að gera betur en að spila á frábærum tónleikum með pönkbandinu sínu og vinna svo brjóstgóða ljósku í fússball.

Fyndna var að hún heimtaði að við spiluðum upp á bjór og rauk svo burt í (fússi) þegar hún tapaði. Skuldar mér sem sagt bjór.

Páskaungi

2009-05-09T22:56:00.002Z

Landráðamenn

2009-05-09T21:33:00.002Z

Ísland mun vinna eurovision. Palli, Guðrún, Reynir og dr Gunni: þið eruð föðurlandssvikarar að segja að Noregur sé að fara að vinna þetta. Munið 1262!

Pottþétt

2009-05-02T16:05:00.001Z

Nú var rafvirkinn að yfirgefa pleisið. Búinn að tengja pottinn til bráðabirgða og ég er byrjaður að dæla vatni í hann. Svo þegar hann er orðinn fullur þá tekur við smá efnafræði (við erum svipaðir að því leyti...) en að öllu óbreyttu ættum við að geta vígt pottinn í fyrramálið.

Hljómflutningsgræjurnar í honum virka en rafvirkinn stillti á fm957 og fór. Ég ætla að sjá hvort mér takist ekki að tengja i-podinn í græjurnar svo það geti hljómað hátt og snjallt þegar potturinn er vígður (courtesy hljómsveitin Blóð) : ÞAÐ ER ENGIN KREPPA!

Páskaungi

2009-04-29T14:20:00.002Z

Anna og Jói eru komin á steypirinn. Akkúrat núna er ég algerlega sannfærður um að þau verði léttari á morgun, enda á litla svínið þá eins árs afmæli.

Watch this space!

Viva la libertad!

2009-04-27T15:43:00.003Z

Þetta voru næstum því stórslysalausar kosningar. Maður á bágt með að skilja ýmsa hluti samt:

1. Hvernig getur staðið á því að yfir þriðjungur kjósenda er enn að kjósa annað hvort framsókn eða sjálfstæðisflokkinn? Hvað þarf til að fólk fatti að þetta eru glæpasamtök en ekki stjórnmálaflokkar?

2. Hverjir eru þessir 1.107 kjósendur sem töldu skynsamlegt að kjósa hinn viti firrta Ástþór?

3. Það voru fleiri sem skiluðu auðu en kusu Frjálslynda flokkinn, þess vegna á að leggja Frjálslynda flokkinn niður. Enda var Guðjón Arnar fullur í sjónvarpinu alveg frá því þremur dögum fyrir kosningar og fram á gærkvöldið.

4. Hvort á ég að gleðjast yfir því að Kolbrún Halldórsdóttir sé fallin af þingi eða harma það að með því að stytta sér pólitískan aldur þá kom hún nasistabarninu Birgi Ármannssyni inn í sinn stað?

5. Af þeim 13.519 sem kusu Borgarahreyfinguna (eins og ég) - hve margir gerðu það vegna flottrar framgöngu Þórs Saari í sjónvarpinu kvöldið fyrir kjördag, án þess að hafa minnstu hugmynd um stefnuskrá þessa "flokks" (eins og ég) ???

6. Ég veit að ég er að endurtaka mig aðeins, en hvernig má það vera að 72.068 manns hafi talið að besta leiðin út úr kreppunni væri að láta stjórnartaumana aftur í hendurnar á D og B? Ég meina, hvað er málið?

Segi og skrifa skepna, ég segi það satt!

2009-04-21T16:53:00.002Z

Mér til mikillar furðu er nú verið að kjósa um bestu íslensku smáskífu allra tíma á blogginu hjá Jens Guð www.jensgud.blog.is og einhvern veginn komst lagið mitt Katla Kalda með Mosa Frænda í hóp þeirra níu laga sem flestir tilnefndu.

Og ekki nóg með það, þegar þetta er ritað hefur lagið fengið flest atkvæði, fleiri en samstarfsverkfni Jóns Múla og Sigurrósar úr Englum Alheimsins, fleiri en bæði Dimmar Rósir, Gvendur á Eyrinni og Glugginn - meira að segja fleiri en sjálfur Megas með Spáðu í mig.

Spáum í því!

Nú verða allir að kjósa og sjá til þess að þetta frábæra lag haldi toppsætinu. Svolítið skrítið samt að vera að smala atkvæðum núna, árið 2009 því aldrei þurftum við að smala neinum atkvæðum þegar lagið tröllreið feitum hesti á útvarpsstöðvunum sumarið 1988.

En skítt með það, allir að kjósa!

Þreyttust!

2009-04-18T13:28:00.002Z

Fórum í sund í morgun með litla svínið sem skemmti sér konunglega þótt hún hafi verið nett stressuð fyrst. Svo tók við bíltúr í nokkrar verslanir að skoða heita potta og því næst kaffi hjá afa hennar. Á leiðinni niður úr Breiðholti ákváðum við að næra okkur aðeins á KFC en þegar þangað var komið svaf sú stutta allfast í bílstólnum. Við áttum von á að hún myndi vakna um leið og hún kæmi inn á veitingastaðinn en svo var ekki. Meðan við borðuðum lá hún í sætinu við hliðina á mér og hraut. Mega sætt bara.

Er ég farinn að vinna í fiski?

2009-04-15T21:56:00.001Z

Vaknaði klukkan fimm í morgun, kveikti á tölvunni og fór að vinna. Mætti í vinnuna klukkan sjö og vann aleinn í sjoppunni í klukkutíma áður en nokkur hræða önnur kom á svæðið.

Yfirgaf vinnustaðinn klukkan að verða hálfsex. Kvusslags vinnudagur er þetta?

Þetta snýst ekki um það hvað manni finnst gott, þetta snýst um það hverju maður hefur efni á!

2009-04-11T13:07:00.001Z

Gullin setning úr Álperu eftir Jón Benjamín. Fór á frums í gær. Skemmti mér vel, á köflum jafnvel frábærlega. Samt sorglegt hvað ógæfuhjónunum tekst alltaf að eyðileggja fyrir þessu leikfélagi.

Yfir mér hvílir bölvun

2009-04-11T13:01:00.002Z

Helgarbíltúr dagsins var martröð. Nei, við höfum ekki eignast bíl en kerlingaruglan hún móðir mín er erlendis og lét mig passa bílinn fyrir sig á meðan - aðallega til að geta heimtað að ég næði í sig um miðja nótt en það er önnur saga.

Tilgangur ferðarinnar var þríþættur: að kaupa inn fyrir páskaboðið á morgun, skoða heita potta og fara með 60 myndir af litla svíninu í framköllun. Byrjuðum á því, fórum í Fuji í Skipholti. Lokað. Þá var stímt í Skeifuna í Pixla. Lokað. Fokkit, tökum Hagkaup fyrst við erum hérna. Það tók hálftíma ef skottúr í Ríkið Skeifunni er talinn með. Litla svínið aðeins tekið að ókyrrast. Næst Húsasmiðjan þar sem við sáum gullfallegan pott. Stóðum og skoðuðum hann í tuttugu mínútur án þess að einn einasti starfsmaður virti okkur viðlits. Reyndum að hóa og kalla, jafnvel leita uppi menn í álitlegum rauðum flíspeysum en án árangurs. Enginn vildi selja okkur potthelvítið. Ákváðum að gefa skít í Húsasmiðjuna og fara í Arctic Spas á Kleppsvegi. Lokað en miði á dyrinni sem á stóð: opið laugardaga kl. 12-15. Klukkan var 11:52. Korteri síðar var orðið augljóst að miðinn á dyrinni átti ekki við um þennan tiltekna laugardag. Þannig að við í Kringluna - sem ég hata - og stóðum eftir smástund eins og þvörur þar sem Hans Petersen var einu sinni en nú er komin fatabúð.

Svo kemur maður heim og Liverpool er að vinna.

Sjitt!

Fallinn!

2009-04-10T10:04:00.002Z

Ég sem ætlaði aldrei á feisbúkk....

Er einhver hissa?

2009-04-09T10:32:00.003Z

Svo að fasistageðsjúklingarnir í Sjálfstæðisflokknum létu múta sér til að reyna að færa götustrákunum Jóni og Hannesi REI á silfurfati. Menn sem Davíð bar sjúklega fæð á. Reyndu að rökstyðja andstöðu sína við að slík fjárframlög til flokka yrðu gerð opinber með einhverjum frösum upp úr Friedman. Kemur svo á daginn að þeir voru til í allt (án Villa) til að laga einhverja nokkurra tugmilljóna skuldastöðu.

Reyna svo að fórna manninum sem fékk illt í kokið, láta hann taka á sig sökina, hann er hvort sem er hættur.

Plís!

Leyndardómar Snæfellsness

2009-04-08T15:09:00.002Z

Skelltum okkur á hótel Búðir yfir nótt með litla svínið. Frábær afslöppun, góður fimmréttaður matseðill og svo fáir gestir á hótelinu að við fengum nánast einkaþjón í líki Árna Glóbó allan tímann.

Óborganleg sjón að sjá hann stika yfir matsalinn með viskustykki yfir handlegginn og krukku af Gerber barnamat á postulínsdiski með silfurskeið.

30 ára gamla viskíið var ekki slæmt en verðið soldið skrítið. Hvernig getur verð á lúxusviskíi verið eitthvað hundruð og sjötíu krónur?

Keila

2009-04-04T12:47:00.002Z

Liðið í vinnunni hélt uppá páskafrísbyrjun með því að skella sér í keilu í gær.

Djöfull er ég ógeðslega lélegur í keilu. Svo lélegur að ég náði ekki einu sinni neðsta sætinu, sem gaf verðlaun. Semsagt næst neðstur.

Nemandi okkar var á svæðinu. Það var pínlegt að sjá alla fullu kennarana reyna að láta eins og hann væri ekki þarna. Sjálfur fór ég og skoraði á hann í púl. Og vann með nokkrum yfirburðum. Rósa þurrkaði svo gólfið með mér í púl á eftir, bara svo ég héldi ekki að ég væri eitthvað.

Búinn að vera gersamlega óþolandi síðan ég var kosinn besti kennarinn á árshátíð nemenda á fimmtudagskvöldið.

Fór svo á tónleika í gær. Hélt að ég væri að sjá Valla fræbbbl og félaga spila gamla pönkslagara. Borgaði þúskall inn og allt. Kom upp á efri hæð Grand og þar var þá eðalproggsveitin bob í góðum gír. Keypti diskinn og er einmitt að hlusta á hann núna. Eðal.

Talandi um að kaupa diska. Allir að hlaupa í Smekkleysu plötubúð á Laugavegi og kaupa diskinn með Blóði. Koma svo! Drífa sig!

Stockholm, här kommer vi!

2009-04-01T14:13:00.001Z

Vorum að bóka okkur far til Svíþjóðar við hjónin, ætlum að skreppa út í tilefni af 5 ára brúðkaupsafmælinu okkar. Fljúgum út á föstudagsmorgni og erum komin heim seinni part sunnudags. Litla svínið fær að vera hjá ömmu á meðan. Hótel í Gamla Stan. Gerist varla betra.

Hvað skyldi íslenska krónan kosta þegar hótelið gjaldfærir kortið í ágúst...?

Jón Ásgeir, Hannes Smára og Björgólfur Thor koma færandi hendi

2009-04-01T11:55:00.001Z

Þeir eru mættir, karlarnir, með nokkur þúsund milljarða sem þeir voru að taka út af sparisjóðsbókunum sínum á Tortóla og ætla að redda okkur öllum út úr kreppunni.

Hvaða dagur er annars í dag?

Blóóóóóð!!!

2009-03-29T13:53:00.002Z

Fólkið heimtaði Blóð og fékk það sem það vildi.

Gaman. Höfum reyndar oft spilað betur en þetta var samt frábært.

Morðingjarnir líka í miklu stuði á undan okkur. Sjaldan séð þá eins góða.

Myndband á jútúb:

Plata og tónleikar

2009-03-24T22:05:00.001Z

Platan er komin í framleiðslu. Kemur út á föstudag eða laugardag. Tónleikar á Grand Rokk á laugardagskvöld uppúr tíu. Mætið, það er frítt inn og veitingar í boði. Morðingjarnir spila líka.

Tóndæmi á www.myspace.com/blodblodblod

Spúkí draumur

2009-03-22T11:45:00.002Z

Rósu dreymdi í nótt að mamma hennar væri að skipa henni að taka Gullu litlu frá okkar frábæru dagmömmu. Rósa var reið og skildi ekki af hverju hún þyrfti að gera þetta.

Taka þarf fram að mamma Rósu lést fyrir áratug.

En allavega, mamman hélt því fram í draumnum að Gulla þyrfti að vera hjá annarri dagmömmu, í GRAFARholti.

Svo Rósa hringdi í dagmömmuna okkar og sagði að Gulla kæmi aldrei aftur til hennar.

Úff!

Tengdapabbi kemur sterkur inn

2009-03-17T21:09:00.001Z

Heyrðu, hann Jón bróðir þinn lenti í því að týna símanum sínum, eða honum var stolið!

- Jæja, helvítis óheppni.

Já. Eigum við ekki að hringja í hann og gá hvernig gengur að finna símann?

Strætó

2009-03-17T19:36:00.002Z

Í fyrsta lagi: ég er stundum í leið 5 á morgnana á leið til vinnu. Þegar strætisvagninn lötrast upp úr Ártúnsbrekku og upp á Höfðabakka kemur annar vagn merktur leið 6 á móti.

Málið er að leið 6 gengur alls ekki þessa leið!

Þetta er allt of leyndardómsfullt. Skýringar óskast!

Í öðru lagi: á leið heim úr vinnu í dag skipti ég úr leið 5 í 6 í Ártúni. Fattaði svo eftir korter (ég var að spila Sudoku í símanum) að vagninn var enn á sama stað. Fór fram í og spurði vagnstjórann hvort við værum að bíða eftir einhverju sérstöku.

Kom á daginn að farþegi í annarlegu ástandi neitaði að borga farið og neitaði að yfirgefa vagninn. Þannig að bílstjórinn hafði hringt á lögguna. Sem var svona lengi á leiðinni.

Komst samt á barinn á endanum.

Var að fatta eitt...

2009-03-17T19:33:00.002Z

Nokkrum árum eftir að pabbi dó fór mamma að deita austurrískan mann sem gegndi nafninu Josef.

Það hefur lítið heyrst frá honum í minni fjölskyldu síðustu árin.

Varla er þetta...

...nei, getur ekki verið!

Mér er illt í maganum!!!

2009-03-16T14:13:00.000Z

Það hlýtur að vera slæmt þegar maður liggur seint um nótt/snemma morguns og er svo kvalinn að hugurinn er farinn að hvísla að manni ógeðslega hluti um ristilkrabba.

Samt er þetta bara venjuleg magakveisa...

...vona ég!

Fólkið heimtar blóð

2009-03-15T19:26:00.002Z

Nafn á nýja bandið hefur verið ákveðið. Hljómsveitin heitir Blóð. Þar með mun platan sem á að koma út um mánaðamótin mars-apríl heita "Fólkið heimtar blóð" sem er nokkuð í takt við tíðarandann á Íslandi.

Talandi um hann, átti ekki að vera komið fokking vor? Það er allt á kafi í snjó eina helvítis ferðina enn. Svindl!

Oh well. Að minnsta kosti bara þrjár vikur eftir og þá er komið páskafrí. Þá förum við fjölskyldan saman upp á Snæfellsnes að hafa það næs. Eftir páska er vorið alltaf svo skemmtilegt.

Dolly Karton

2009-03-10T19:55:00.001Z

Lýður, Jón Ásgeir og Bjöggi syngja núna í hljóði:

Joly, Joly, Joly, Joly...
I'm begging of you please don't take me down...

Move over, Purrkur Pillnikk!

2009-03-08T15:12:00.002Z

Ég man vel þegar ég eignaðist fyrstu plötuna með Purrki Pillnikk. Á umslaginu stóð: "lifandi upptaka í studio stemmu 1. apríl 1981 síðdegis" og maður var alveg, vá, snöggir að þessu.

Nú í gær var nýja hljómsveitin okkar að taka upp fjögurra laga plötu sem kemur út 26. mars næstkomandi. Byrjuðum að taka upp uppúr klukkan tvö, búnir að ganga frá öllum græjum og skila þeim í hús svo tímanlega að ég náði United leik á Grand Rokk, en leikurinn byrjaði korter yfir fimm.

Og sándið hjá okkur verður mun betra en á fyrstu plötu Purrks Pillnikks.

Lýsi enn eftir nafni á hljómsveitina. Ein tillaga hefur borist en hún hlaut ekki náð.

Er Mánagatan að seljast? - 18. kafli

2009-03-07T22:22:00.002Z

Póstur kom i gær. Innihélt stimpluð afrit af húsnæðislánaskuldabréfum.

Við erum semsagt búin að selja helvítis draslið!

Ætlaði að kíkja í fasteignablað moggans um daginn, bara að gamni til að sjá hversu margir aðrir hefðu afrekað þetta sama, að þinglýsa kaupum í vikunni.

Og tók eftir því að það var ekkert fasteignablað með mogganum.

Frosinn markaður indeed.

Og samt seldum við.

Geri aðrir betur.

Konur og fjölmiðlar

2009-03-07T22:19:00.001Z

Silja Bára femínisti var að birta frétt um það að á árinu 2008 hefðu 78% viðmælenda íslenskra fjölmiðla verið karlmenn.

Hún lét það ógert að nefna að konurnar sem skipuðu hin 22%in töluðu fjórum sinnum meira en karlarnir.

Tek mark á skoðanakönnunum

2009-03-03T23:06:00.002Z

Ólíkt framsóknarmönnum og sjálfstæðisfasistum þá tek ég mikið mark á skoðanakönnunum. Geri oftast ráð fyrir að þær hafi í raun og veru verið framkvæmdar og að fólk sem enginn þolir eigi virkilega fáa aðdáendur.

Hér til hægri er ljóst að íslenska þjóðin hefur lítinn áhuga á því að ég sé edrú. Marsmánuður er þegar byrjaður og því sjálfkrafa dottinn út. Júlí kemur tæpast til greina þar sem þá á frúin afmæli.

OK, ég veit að maður á ekki að nota afsakanir til að drekka. Enda hef ég aldrei þurft neina ástæðu til að fá mér í glas, nema þá að mig langi í glas.

Anyways, valkosturinn enginn mánuður er með yfirburðastöðu og aðeins hálfur mánuður eftir af þessari skoðanakönnun. Þegar sá tími er liðinn verður að sjálfsögðu leitað til Davíðs Oddssonar um að taka endanlega ákvörðun í málinu.

Og þar sem Davíð er fyllibytta eins og ég, hef ég sáralitlar áhyggjur.

Fyrsta ferðin á slysó

2009-03-03T23:02:00.002Z

Fékk símtal í dag þar sem ég var í makindum að sötra bjór og íhuga hvenær næsti strætó heim færi. Þá hringdi síminn.

Geturðu farið að drífa þig, barnið ælir og ælir og ég ræð ekki við þetta.

Þannig að ég dreif mig og var kominn heim korteri síðar. Barnið sofnaði eftir fimm mínútur.

En vaknaði svo aftur um hálfníu og hafði skreytt koddann sinn með kvöldmatnum.

Þá kom upp úr dúrnum að hún hafði dottið á hausinn hjá dagmömmu. Ég lagði saman tvo og tvo og fékk út heilahristing.

Panik! Hringt á taxa. Aldrei nokkurn tímann verið hleypt svona fljótt inn á slysó. Læknirinn var líka kominn eftir hálfa mínútu. Skoðaði litla svínið í smástund, sagðist svo ætla að sækja hitamæli og kom ekki aftur næsta klukkutímann. Sem við álitum vita á gott, því ef læknirinn hefði svona litlar áhyggjur af litla svíninu skyldum við bara slaka á líka.

Enda reyndist þetta false alarm og hún sefur nú svefni hinna réttlátu.

Slá í gegn

2009-03-03T18:34:00.003Z

Húrrei! Nýja pönkbandið mitt er komið með útgáfusamning. Fjögurra laga plata kemur út 26. mars og útgáfutónleikar verða á Grand Rokk tveim dögum síðar.

Lögin á plötunni heita:

Helvítis fokking fokk

Vélinda

Höfðatorg

Icesave

Hvað á hljómsveitin að heita?

Var mér að misheyrast!?

2009-03-02T23:04:00.000Z

Viss um að ég heyrði auglýsingu í sjónvarpinu áðan. Gott ef það var ekki Helgi heitinn Skúlason sem sagði:

Lækjarbrekka, fyrir rómantíska kvöldstund með elskunni þinni.

Alltaf sígild, alltaf ljúf.

Við hliðina á Núllinu.

Er Mánagatan að seljast? - 17. kafli

2009-03-02T23:02:00.002Z

Fórum á fund fasteignasala í dag og gengum frá afsali. Það verður sent í þinglýsingu á morgun og allt ætti að vera frágengið í vikulokin.

Samt er Kappaflingfling að standa sig í að reyna að standa í vegi fyrir þessu. Fengu pappírana í hendur fyrir 3 vikum en eru enn ekki búnir að drullast til að aflýsa lánunum sem voru borguð upp í byrjun mánaðarins.

Sennilega allir starfsmenn of uppteknir við pappírstætarana til þess að sinna öðrum störfum.

Watch this space!

Ferðasaga

2009-02-24T17:28:00.002Z

Þetta var hin fínasta ferð. Byrjaði að vísu ekki gæfulega - flugrútan lenti í árekstri í Kópavoginum og það var ansi löng bið eftir nýrri rútu og maður var orðinn tæpur á taugum að kannski myndi maður missa af fluginu. En svo kom rútan og allt féll í ljúfa löð. Það var fátt gert á föstudegi annað en fara á hótelið og í bælið en laugardagurinn var svo tekinn snemma og ráðist í verslunarleiðangur. Sá skilaði fínni myndavél í hús sem mun leysa af garminn sem var keyptur í brúðkaupsferðinni forðum daga. United megastore var einnig heimsótt og þar fékk ég hlut sem mér hefði aldrei dottið í hug að væri til - smekkur fyrir litla svínið með United merki! Treyjan sem mig langaði í var ekki til en í staðinn keypti ég hvíta stuttermatreyju með "Vidic 15" á bakinu og var þokkalega sáttur með það. Því næst var farið á pöbb og snæddur týpískur enskur pöbb lönsj meðan horft var á Chelsea leik sem fór því miður ekki nógu vel því þeir unnu Aston Villa. Eftir þann leik var haldið áleiðis á Old Trafford þar sem ég fékk ótrúlega góð sæti í fimmtu röð rétt við varamannabekkinn. Það var fögur sjón þegar Ryan Giggs tölti eftir hliðarlínunni til að hita upp og beygði sig fram til að teygja á skinkuvöðvunum og maður horfði á stinnasta rass sem Wales hefur alið. Leikurinn var skemmtilegur og vannst og ekki var stemmningin verri á Bishop Blaize eftir leik þar sem var mikið drukkið og sungið. Verst að "ferðafélagarnir" höfðu ákveðið fyrr um daginn að sleppa leiknum til að geta einbeitt sér að drykkju af fullum krafti þannig að ég var einn á báti. Það kom ekki að sök og mér fannst gaman. Sunnudagurinn átti að fara í ráp um miðborg Manchester en hinir vitleysingarnir voru búnir að panta limmósínu til að skutla sér á Anfield og ég stóðst ekki freistinguna og fór með. Hefði að vísu hugsanlega endurskoðað þá ákvörðun hefði ég vitað strax að þeir voru lítið búnir að pæla í að útvega sér miða á leikinn og þessi ferð varð því nokkuð snautleg. Í staðinn fyrir að sjá leik á Anfield þurfti ég að sitja með kófdrukknum vitleysingum á subbulegum pöbb í subbulegri borg. Heimamenn reyndust þó gestrisnir mjög og bjargaði það deginum (og kvöldinu). Það var ekki hátt risið á mönnum í limmunni á leið aftur til Manchester (nema á mér auðvitað) og drengirnir enduðu í koju áður en kvöldfréttir voru byrjaðar. Ég yfirgaf þá þess vegna og hélt áleiðis heim á hótel með viðkomu á nokkrum öldurhúsum. Þá var kominn mánudagur og nú þurfti að eyða peningum. Ég byrjaði á því að kaupa mér forláta apple tölvu en verðmunurinn á slíkum grip milli landa er slíkur að hann borgaði ferðakostnað, gistingu, miða á leik og myndavélina góðu. Svo varð maður auðvitað að kaupa eitthvað á litla svínið og það endaði í tveimur kílóum af bleikum fötum úr Hennes og Mauritz. Rósa fékk ilmvatn og ég tvo geisladiska en að öðru leyti var deginum eytt á mínum uppáhaldsstað í Manchester sem kenndur er við Shakespeare en þar er stunduð veitingastarfsemi. Enn hitti ég vitleysingana sem kröfðust þess að ég yrði þeim samferða í limmunni út á flugvöll en ég afþakkaði pent og tók bara mína lest enda búinn að kaupa miðann og setja farangurinn í geymslu á brautarstöðinni. Flugið heim var svo áfallalítið og rútan komst í heilu lagi til Reykjavíkur. Lokapunktur ferðarinnar var hins vegar soldið kátlegur því ég fann hvergi húslyklana mína og þurfti að vekja frúna með látum enda komin rauðanótt. Í morgun vaknaði ég svo slappur og ákvað að fara ekki í vinnuna enda örþreyttur eftir mikla og erfiða ferð.

Níu tíma múrinn rofinn

2009-02-19T14:56:00.002Z

Dagurinn í dag, frá sólarupprás til sólseturs, er 9 klst. og 6 mínútur í Reykjavík.

Betri tíð með blóm í haga. 58 kennsludagar eftir þangað til ég fer í sumarfrí.

Um svipað leyti fer frúin að vinna og ég mun eyða sumrinu heima með litla svíninu. Hlakka til.

Er annars að fara til UK á morgun, nánar tiltekið Manchester, þar sem ég hyggst þamba bjór, slappa af og horfa á fótbolta... nei, bíddu, það er það sem ég geri hérna heima um hverja helgi! Hvert er þá pointið með ferðinni?

Annars er kreppan lítið að bögga mann. Mánagatan seld (afsal eftir 8 daga...), engin myntkarfa. enginn yfirdráttur, enginn bíll, engin hætta á atvinnumissi (nema kannski hjá Rósu...) - og maður er eiginlega steinhættur að nenna að lesa þessar kreppufréttir. Fullt af fávitum dró ennþá fleiri fávita á asnaeyrunum þangað til allt fór til fjandans. Klíkuskapur og fávitaháttur munu koma í veg fyrir að nokkur gjaldi fyrir það nema Ljúdmíla sem skúrar á geðdeild.

Ef þú lést plata þig í myntkörfu áttu ekkert betra skilið.

Ef þú lést plata þig í viðbótarlífeyrissparnað ertu fáviti. Það stóð alltaf í smáa letrinu að þessir peningar væru ekki teknir af laununum þínum til að þú fengir þá þegar þú ferð á eftirlaun. Það stóð (ef þú nenntir að lesa eða hafðir vit á að spyrja) að jakkafatakókfíkillinn sem lét þig skrifa undir samninginn (og starfaði ekki hjá bankanum þínum þótt hann segðist gera það) myndi hirða allan sparnaðinn þinn fyrsta árið - PERSÓNULEGA - svo myndi fyrirtækið hans nota sparnaðinn þinn næstu 30 árin til að gambla í spilakössum á netinu og EF það gengi vel þá yrði x mikið til handa þér þegar þú ferð á eftirlaun.

Svona er þetta. Maður heyrir það sem maður vill heyra. Allir eru að kaupa í DeCode, drífðu þig áður en hlutabréfin klárast.

Fávitar.

Bindindismánuður

2009-02-11T16:48:00.003Z

Vinur minn tók upp á því að fara í janúarbindindi. Þegar hann sagði mér frá því datt mér í hug að sniðugt gæti verið að gera eitthvað þessu svipað. Janúar var að vísu langt liðinn þannig að ég fór að hugsa um að taka einhvern annan mánuð ársins í þetta. Febrúar kom sterklega til greina enda stysti mánður ársins en þar sem ég átti fertugsafmæli í byrjun hans og er að fara erlendis í lokin kom það ekki til greina.

Þannig að nú spyr maður sig (eins og hér til hliðar, endilega hjálpið mér að taka ákvörðun) - hvenær verður þetta hægt?

Er Mánagatan að seljast? - 16. kafli

2009-02-08T13:22:00.002Z

Fengum bréf frá kappaflingfling á föstudaginn. Opnuðum það og út datt skuldabréf.

Það er búið að greiða upp lánin sem hvíldu á íbúðinni.

Afsal í lok febrúar.

Watch this space!

Gott partí

2009-02-08T13:20:00.002Z

Úff, ég er enn að jafna mig eftir afmælið í fyrradag. Átti reyndar afmæli á þriðjudag en það er ekki hægt að halda upp á fertugs í miðri viku, það bara gengur ekki.

Kvöldið er frekar móðukennt undir lokin, svo ég hef ákveðið að svara öllum fyrirspurnum eins og annað stórmenni í klípu:

Ég er Saddam Hussein, og ég er tilbúinn að semja.

Ammæli

2009-02-05T16:42:00.001Z

Síðasti Mosinn til að komast yfir barneignahjallann.

Fyrstur yfir fertugshjallann.

Rokkið lifir.

Vinnan mín

2009-02-05T16:40:00.001Z

Eftir að hafa verið vinnandi maður í nokkrar vikur er það að renna upp fyrir mér...

... hve djöfulli gaman það er að vinna á svona geðveikum vinnustað þar sem fokking groundbreaking hlutir er að gerast reglulega.

Gerði mér enga grein fyrir því í barneignarleyfinu auðvitað, en ég hef saknað vinnunnar.

Manchester England England

2009-02-05T16:39:00.001Z

Klúðrið með fótboltaferðina er að leysast. Fer í staðinn út viku fyrr. Fæ frí í vinnunni einn mánudag (jess!) og get verið heima með fjölskyldunni í góðu yfirlæti í vetrarfríinu.

Er Mánagatan að seljast? - 15. kafli

2009-02-05T16:38:00.001Z

Leigjendurnir fluttir út. Rósa er á staðnum að þrífa. Þegar hún er búin að því hringjum við í kaupandann og segjum honum að hann megi flytja inn.

Watch this space!

Er Mánagatan að seljast? - 14. kafli

2009-02-02T18:46:00.002Z

Fékk tölvupóst frá leigjendunum í dag. Þeir segjast ekki ná að flytja út fyrir fimmtudag, sem átti að vera afhendingardagur. Þetta þýðir að hlutir eins og skipting á fasteignagjöldum, hússjóði og rafmagnsreikningi þurfa að reiknast út uppá nýtt. Það er að segja ef kaupandi samþykkir yfirhöfuð þessa seinkun.

Getur verið að þetta falli um sjálft sig?

Watch this space!

Er Mánagatan að seljast? - 13. kafli

2009-01-28T17:27:00.002Z

Skrifuðum undir kaupsamning í morgun. Leigjendurnir flytja út í næstu viku og þá verður eignin afhent og bróðurpartur kaupverðs greiðist til okkar.

Nei, reyndar til að vera með þetta rétt þá greiðist kaupverðið til Kaupthings hins nýja, sem notar peninginn til að greiða upp lánin okkar á eigninni.

Afsal er ráðgert um mánaðamótin febrúar-mars.

Watch this space!

Málþroski barna

2009-01-25T08:15:00.000Z

Jæja, þá er litla svínið búið að læra tvö fyrstu orðin.

"Mamma"

og

"datt"

Kemur sér vel ef ég verð einhverntímann kærður fyrir heimilisofbeldi.

Krabbamein

2009-01-23T17:53:00.001Z

Hún er með æxli í heila, enda hefur hún ekki hugsað heila hugsun í háa herrans tíð.

Hann er með æxli í vélinda, enda hefur ekki verið hægt að toga bofs af viti upp úr honum í manna minnum.

Fyrirsjáanlegt?

2009-01-21T17:05:00.002Z

Þingfundi aflýst í dag. Spurning hvort þingmenn séu strax komnir í páskafrí eða hvort þeir séu smám saman að fatta að sterkasti leikurinn í stöðunni er að fara strax á eftirlaun meðan díllinn er enn svona góður.

Eitt samt: Geir og allir hinir vitleysingarnir hafa mikið talað um að ekki hafi verið hægt að sjá hrunið fyrir. Hvernig stendur þá á því að maður les í blöðunum að í látunum í gær hafi þingmenn getað komist undan með því að fara um neðanjarðargöng út úr Alþingishúsinu?

Viðbyggingin var reist í miðju góðæri og ráðamenn hljóta að hafa lagt fram einhverjar óskir um útfærslu.

Ef ráðamenn láta búa til neðanjarðargöng út af vinnustað sínum, er það þá ekki merki um að þeir búist við að þeir þurfi að nota þau einhverntímann, til að komast heim í Garðabæinn?

Mótmælandi skríll

2009-01-21T10:53:00.002Z

Skrapp að gamni niður að Alþingishúsi í gær. Þar var samankomið allmargt ógæfufólk - ég taldi tólf fastagesti Grand Rokk í þvögunni - og reyndar líka alls konar venjulegt fólk sem barði potta og pönnur og var með læti.

Mér fannst stemmningin fáránlega róleg miðað við ástandið og ófyrirleitni þeirra sem sátu inni í húsinu, en það færðist víst eitthvað fútt í þetta þegar leið á daginn.

Ég frétti það á götunni að Ingibjörg Sólrún lægi fyrir dauðanum, fundist hefðu þrjú alvarleg meinvörp í höfði hennar þarna í Svíþjóð. Sem sannar að það er krabbameinsvaldandi að sitja í ríkisstjórn með Sjálfstæðisflokknum.

Þegar ég svo heyrði að fyrsta mál á dagskrá Alþingis væri ekki efnahagsástandið, mótmælin, Icesave, atvinnuleysi né þingrof og boðun kosninga, heldur færsla á sölu áfengis inn í smásölubúðir Baugs, ákvað ég að láta þetta nægja og gefa mönnunum frið til að ræða þetta mikilvæga mál.

Grandarar

2009-01-19T18:34:00.000Z

Í fyrradag var ég á Grand Rokk einu sinni sem oftar. Sá að von var á almenningsvagni sem myndi keyra mig heim svo ég labbaði út á stoppistöð. Og beið.

Og beið. Og beið.

Svo kom Arnar vinur minn, sem var líka að fara að nota almenningssamgöngur til að komast í Gullbringu- og Kjósarsýslu. Nema hann ætlaði að taka leið 1 til Hafnarfjarðar.

Og ég beið. Og beið.

Loks gafst ég upp. Sagði Arnari að vagninn hlyti að hafa verið á undan áætlun (ekki í fyrsta sinn sem það hefði gerst) og að ég sæi mér þann kost vænstan að fara aftur á barinn og fá mér einn og taka svo næsta vagn heim.

Labbaði inn á barinn og pantaði bjór. Barþjónninn byrjaði að hella í hann en þurfti frá að hverfa því síminn hringdi. Barþjónninn lagði bjórinn minn hálffylltan frá sér og svaraði símanum.

Lagði á skömmu síðar og sagði mér að þetta hefði verið Arnar að láta vita að ellefan hefði verið að koma!

Er Mánagatan að seljast? - 12. kafli

2009-01-19T18:32:00.002Z

Nú hefur lán að upphæð ca. 900.000 kr. verið greitt upp. Hvað ætlar Kaupthing Bank að gera næst til að leggja stein í götu okkar sem viljum bara fá að selja íbúð sem við þurfum ekki lengur?

Watch this space! Fasteignasalinn ætlar nebbla að tilkynna Kappaflingfling á morgun að íbúðin sé seld og ég er viss um að John Cleese verður ekki hress.

Úpps!

2009-01-19T18:29:00.002Z

Eins og fram hefur komið er ég búinn að bóka mér far til Manchester um mánaðamótin febrúar-mars til að horfa á fótboltaleik.

Komst hins vegar að því í dag að ef Manchester United vinnur leik sinn gegn Derby County annað kvöld komast þeir í úrslitaleik deildabikarsins sem haldinn er þessa sömu helgi ... á Wembley-leikvanginum í London! Og leiknum í Manchester verður þar af leiðandi frestað.

Aldrei slíku vant mun ég því vonast eftir tapi minna manna annað kvöld.

Sjitt!

Er Mánagatan að seljast? - 11. kafli

2009-01-16T15:58:00.002Z

Jæja, nú hefur kaupandi fengið vilyrði fyrir láni hjá Íbúðalánasjóði en þeir eru óhressir með hvað mikið hvílir á íbúðinni - burtséð frá því að kaupandi hyggst ekki yfirtaka lánin.

Þannig að: nú þurfum við að nurla saman peningum til að greiða upp eitt lán áður en af kaupunum getur orðið. Liðlegheitin í bankakerfinu á Nýja Íslandi eru ekki meiri en svo.

Auðvitað ætluðum við allan tímann að nota kaupverðið til að borga öll lánin upp, þannig að þetta skiptir í raun litlu, en samt...

Watch this space!

Jújú, það er lítið að gera í vinnunni...

2009-01-14T17:17:00.001Z

Sem getur verið ágætt, nema að maður er skyldugur til að vera á staðnum í ákveðinn tíma. Og ég get ekki eytt deginum á Feisbúkk því ég er ekki á feisbúkk.

Jæja, allavega leikur í kvöld, verður gaman að sitja í sófanum heima með franskar í annarri og kokkteil í hinni...

...nei, ég má það víst ekki sagði hjartalæknirinn.

Fæ mér bara einn kokkteil og sleppi frönskunum.

Ég skal vera Grýla

2009-01-13T22:32:00.000Z

Nuff said.

Kreppa Schmeppa

2009-01-13T22:27:00.001Z

Var að bóka mér far til Manchester í lok febrúar, vetrarfrí sko. Kíki á leik með United og drekk almennilegan bjór for a change.

Hjá hjartalækni

2009-01-13T16:27:00.000Z

Var hjá lækni áðan, að skoða hvort eitthvað væri að hjartanu. Búinn að vera eitthvað máttlaus síðan rétt fyrir jól, vildi tékka á þessu.

Kemur á daginn að það er ekki rassgat að mér. Var ekki einu sinni bannað að drekka bjór.

Skál fyrir því!

Er Mánagatan að seljast? - 10. kafli

2009-01-10T15:06:00.003Z

Kaupthing vill ekki leyfa neinum að yfirtaka lánin okkar að því er virðist. Nokkuð ljóst að ef okkur tekst einhverntímann að losna við þessa eign verður snarlega hætt í viðskiptum við þann glæpabanka.

Nú á að reyna við Íbúðalánasjóð með allskonar tilfæringum, hækka kaupverðið svo gaurinn fái 80% lán og gefa svo afslátt á kaupverði svo hann geti notað allt lánið til að ganga frá kaupunum.

Watch this space!

Aftur til starfa

2009-01-05T18:04:00.003Z

Þurfti að vakna kl 6 í morgun, fara á fætur, fá mér hafragraut og taka strætó borgina á enda til að komast í vinnuna.

Mætti síðast í vinnu snemma í júní 2008.

Þetta voru svolítil viðbrigði, sérstaklega þar sem litla svínið var ekki með þessa breytingu á hreinu og var á öskrunum fram eftir nóttu.

Enda er ég nú soldið þreyttur.

Vinnudagurinn var sem betur fer nokkuð meinlaus, allavega framan af. En endaði í löngum og leiðinlegum tuðfundi. Sem ég gafst upp á kl. hálffjögur og tók strætó heim.

Heim? Auðvitað ekki. Þurfti nauðsynlega að koma við á heimleiðinni, fá mér einn bjór (í einu) og fara í bónus.

En ég fer alveg að drífa mig heim.

Er Mánagatan að seljast? - 9. kafli

2009-01-03T14:33:00.002Z

Fengum tilboð í dag sem við samþykktum. Kaupandi fer í greiðslumat á mánudaginn, segist ætla að taka yfir lánin og færa um leið viðskipti sín í Kaupthing til þess að reyna að hafa þá góða. Niðurstaða greiðslumats ætti að liggja fyrir í vikunni og þá (ef vel gengur) verður gengið frá kaupsamningi.

Watch this space!

Jól á Miðbraut

2009-01-03T00:28:00.001Z

Bleikt fréttablað

2009-01-02T10:10:00.003Z

Blaðið kom inn um lúguna í morgun. Ég sótti það og bar inn í eldhús. Skellti því á borðið, kveikti ljós og náði mér í djús í ísskápinn. Sneri mér aftur að borðinu og hló.

Það leit út eins og ég væri með Viðskiptablaðið á borðinu hjá mér. Á þessum viðurstyggilega laxableika pappír hvers tilgang ég hef aldrei skilið.

"Noh!" hugsaði ég, "Viðskiptablaðið farið á hausinn, prentsmiðjan full af laxableikum pappír, annað hvort að selja hann fisksölum eða nýta hann." Hló aðeins.

Hvarflaði ekki að mér að þetta væri tilfellið samt. Hugasði sem svo að það hlyti að vera einhver önnur skýring á þessu. Ekki er V-dagurinn í dag, þetta með brjóstakrabbann er líka búið... Mér datt samt ekkert annað í hug.

Kíkti svo á vísipunkturis. Þar var frétt um að Fréttablaðið yrði á laxapappírnum næstu daga svo ekki þyrfti að henda honum.

Kreppan heldur áfram!

Bókadómur - Land tækifæranna eftir Ævar Örn Jósepsson

2009-01-01T19:45:00.001Z

Fín.

Gleðilegt ár

2008-12-31T18:12:00.000Z

Fávitarnir ykkar.

Bókadómur - Ódáðahraun eftir Stefán Mána

2008-12-31T10:48:00.001Z

Frábær bók, mjög skemmtileg.

Takk... (hver gaf mér hana aftur?)

Bókadómur - 10 ráð (osfrv) eftir Hallgrím Helgason

2008-12-30T16:47:00.002Z

Þessi var fljótlesin og bráðskemmtileg. Sniðugt að blanda saman stríðsviðbjóðnum frá Júgóslavíu, kauðslegum íslenskum krimmum og Eurovision. Las hana í einni striklotu og leiddist aldrei.

Fín bók, takk, tengdapabbi.

Bókadómur - Konur eftir Steinar Braga

2008-12-28T21:09:00.003Z

Skuggalega scary bók. Skiptist í tvo hluta. Sá fyrri er ágætur, maður dregst hægt og rólega inní fléttuna og þegar honum lýkur hefur maður ákveðnar væntingar um seinni hlutann. Fyrri hlutinn fylgir aðalpersónunni niður í vonleysið og maður heldur að seinni hlutinn fjalli um leiðina upp aftur. En nei. Nei onei. Sagan súrnar allsvakalega og verður svo martraðarkenndari með hverri blaðsíðunni sem líður. Maður veit ekki hvort konan er að ímynda sér þetta allt, hvort vondi kallinn sé svona voðalega skipulagður í að pína hana eða hvað er í gangi. Svo endar þetta á þann eina hátt sem hægt er úr því sem komið er.

Gat varla lagt hana frá mér. Frábær bók. Takk, Helga frænka.

Harold Pinter RIP

2008-12-25T22:28:00.002Z

RUTH: Eddie.

TEDDY turns.

Pause.

Don't become a stranger.

TEDDY goes, shuts the front door.
Silence.
The three men stand.
RUTH sits relaxed on her chair.
SAM lies still.
JOEY walks slowly across the room.
He kneels at her chair.
She touches his head, lightly.
He puts his head in her lap.
MAX begins to move above them, backwards and forwards.
LENNY stands still.
MAX turns to LENNY.

MAX: I'm too old, I suppose. She thinks I'm an old man.

Pause.

I'm not such an old man.

Pause.

(To RUTH.) You think I'm too old for you?

Pause.

Listen. You think you're just going to get that big slag all the time? You think you're just going to have him . . . you're going to just have him all the time? You're going to have to work! You'll have to take them on, you understand?

Pause.

Does she realize that?

Pause.

Lenny, do you think she understands . . .

He begins to stammer.

What . . . what . . . what . . . we're getting at? What . . . we've got in mind? Do you think she's got it clear?

Pause.

I don't think she's got it clear.

Pause.

You understand what I mean? Listen, I've got a funny idea she'll do the dirty on us, you want to bet? She'll use us, she'll make use of us, I can tell you! I can smell it! You want to bet?

Pause.

She won't . . . be adaptable!

He begins to groan, clutches his stick, falls on to his knees by the side of her chair. His body sags. The groaning stops. His body straightens. He looks at her, still kneeling.

I'm not an old man.

Pause.

Do you hear me?

He raises his face to her.

Kiss me.

She continues to stroks JOEY'S head, lightly.
LENNY stands, watching.

Curtain.

Jólin jólin allstaðar...

2008-12-25T22:00:00.004Z

Feitibjörn óskar landsmönnum öllum, nær og fjær (sérstaklega fjær) gleðilegra jóla og hagvaxtar á komandi ári.

Maðurinn á myndinni hannaði úrið sem ég fékk í jólagjöf frá mömmu. Annars fékk ég geðveikan frakka frá Rósu og alinþykkan stafla af bókum, jibbí. Byrjaði á Hallgrími Helgasyni strax í nótt og hún fór vel af stað. Sérstaklega þetta komment strax á bls. 1:

"Það skvettist smá blóð í glasið hennar Munitu. Ég var ekkert að segja henni frá því. Hún var með rautt hvort sem er."

Anyways... gleðileg jól og takk fyrir gömlu!

Allt búið

2008-12-22T02:23:00.002Z

Var á Grand Rokk í dag, hafði beðið leikhópinn að mæta snemma og gera klárt fyrir sýningar sem áttu að vera í kvöld. Þegar ég kom á staðinn var allt búið. Óskaði liðinu góðs gengis og lét mig hverfa. Fór á Steak and Play að hitta tvo vitleysinga (nei, þrjá) og horfa á fótboltaleik sem ku hafa verið spennandi þangað til ég kom. En eftir að ég mætti var allt búið. Ljómandi leiðinlegur leikur. Fór á barinn og pantaði jólabjór. Allt búið. Ekkert til nema Túborg eða Gull. Oj, sagði ég, hvað áttu til á flösku? Stelpan (sem er örugglega strippari á kvöldin) glotti flírulega og sagði: Premíer og Læt. Hljómar eins og herrafataverslun. Kaupið jólafötin hjá premíer og læt. Sem betur fer var ein Guiness-dæla enn í lagi á innri barnum.

Leiksýningnarnar? Veit ekki. Það var hringt í mig rétt áður en fyrri sýningin byrjaði, til að spyrja mig hvort ég hefði ekki örugglega munað að panta pizzur handa liðinu. Enginn hringdi eftir sýningarnar, hvort það þýðir að allt hafi farið til fjandans eða að allt hafi gengið að óskum veit ég ei.

Enda skiptir það ekki máli. Allt búið.

Skammdegi

2008-12-21T09:02:00.002Z

Í gær liðu 4 klst og 7 mínútur milli sólarupprásar og sólseturs.

Í dag verða það 4 klst og 8 mínútur.

Bjart framundan.

Roxie Hart

2008-12-20T23:22:00.001Z

Chicago á NRK. Það er ekki á hverju kvöldi sem maður horfir á Renee Zellweger og hugsar: "Þetta gerði ég nú betur en þú lilla mín..."

Jólin á Íslandi

2008-12-20T22:00:00.000Z

Við eyðum peningum sem við eigum ekki...

...að kaupa handa fólki sem við þolum ekki...

...drasl sem það vill ekki.

Er Mánagatan að seljast? 8. kafli

2008-12-17T14:30:00.001Z

Kerlingin dró tilboðið sitt til baka. Vill skoða fleiri íbúðir og fá samanburð. Verði henni að því. Annar kaupandi kom og skoðaði áðan, sjáum til...

Watch this space!

Nýr ritstjóri DV

2008-12-16T23:31:00.003Z

Ákveðið hefur verið að Reynir Traustason taki við starfi sem seðlabankastjóri í kjölfar þess að Björgólfur Guðmundsson var skipaður biskup yfir Íslandi.

Nýr ritstjóri DV sem tekur við af Reyni mætti til starfa í dag og lét taka af sér þessa passamynd.

Er Mánagatan að seljast? 7. kafli

2008-12-16T15:06:00.001Z

Nei, því miður, hann féll á greiðslumati, sagði fasteignasalinn stúrinn í gær.

Um leið og ég lagði á var hringt frá annarri fasteignasölu. Tilboð komið og það milljón hærra en hitt. Tilboðið er gert með fyrirvara um skoðun á íbúðinni og við förum og sýnum hana í kvöld.

Watch this space!

RIP

2008-12-15T19:23:00.002Z

Forgangsröðun

2008-12-11T14:32:00.001Z

Þá er þessi elska, hann Halli Ríkissjóðs, kominn á kreik aftur.

Meðal framkvæmda sem slá verður á frest vegna kreppunnar eru Sundabraut, Hátæknisjúkrahús og... viðbygging við Litla-Hraun.

Þeir gera sem sagt ekki ráð fyrir að senda marga gamblera í fangelsi þegar "rannsókn" "óháðra" aðila á bankahruninu lýkur.

Samt var sú rannsókn rétt að byrja og strax búið að finna einn jólasvein sem hélt að hann kæmist upp með að millifæra á sjálfan sig hundrað millur daginn eftir þjóðnýtingu.

Hvað gerist þegar þeir fara að finna þá sem höfðu fyrir því að hylja spor sín?

Botninum náð?

2008-12-11T14:06:00.001Z

Þegar maður hélt að vitleysan gæti ekki orðið vitlausari...

...fréttir maður að Jónína Ben sé gengin í framsóknarflokkinn.

Ó-ó-ógæfufólk

2008-12-05T13:04:00.002Z

Frétt í hinum skítasneplinum gjaldþrota í dag, greinilega skrifuð aftan á bjórmottu af fullum blaðamanni að tala við fullan bassaleikara.

Skítt með það. Maður er orðinn vanur lélegum vinnubrögðum fjölmiðlungsmanna á Íslandi og það á ekki bara við um þá sem eru nógu ofarlega í valdastiganum til að mega taka með silkihönskum á geðbiluðum fyrrverandi aðalritara kommúnistaflokksins eða ráðlausum ráðherrum. Onei, þessir sem skrifa um ómerkilegt stöff eins og leiksýningar og tónleika er auðvitað enn verri.

En svo hringir tónlistarstjóri leiksýningarinnar í mig, alveg brjálaður. Kann ekki við það að vera kallaður ógæfumaður.

Og honum var svo heitt í hamsi að hann gleymdi að hringja collect!

RIP

2008-12-05T12:46:00.002Z

Forsíðufrétt

2008-12-04T09:19:00.003Z

ÞÁ MUN ÉG SNÚA AFTUR!

Stendur á forsíðu skítasnepilsins gjaldþrota í dag. Haft eftir Davíð Oddsyni í því samhengi að ef hann fái ekki að ráða því sjálfur hvenær hann hætti sem Seðlabankastjóri þá megi íslensk stjórnmál sko passa sig, því hann komi bara aftur.

Af hverju er verið að eyða prentsvertu í að birta þetta bull?

Þetta geðbilaða karlhró gæti eins sagt við mann sem miðar á hann byssu: "Þú skalt ekki dirfast að drepa mig því þá geng ég bara aftur!"

Endalok mannsins verða eins og í skrímslamynd. Davíð Oddsson leysist rólega upp í sýrubaði og öskrar: "Þetta getur ekki verið! ÉG ER ÓSIGRANDI!!!"

Svo er allt kyrrt í smástund, þar til beinaber hönd skýst upp úr sýrunni með hnefann krepptan um valdasprota.

Koyaanisqatsi - frh.

2008-12-03T15:50:00.000Z

Er Mánagatan að seljast? 6. kafli (eða var það 5. kafli?)

2008-12-01T18:04:00.001Z

Fór upp í Faxafen í dag með yfirlýsingu húsfélags, sem mér hafði verið sagt að ég þyrfti nauðsynlega að skila af mér sem fyrst svo kaupin gætu gengið í gegn.

Kom að læstum dyrum hjá Remax Skeifunni.

Hringdi í gaurinn: "Hva! er búið að loka sjoppunni?"

- "Já, það er búið að loka sjoppunni.... nei, ég meina, við erum að hagræða í rekstri og sameina söluskrifstofur..."

Watch this space!

Frægur í korter

2008-12-01T18:03:00.001Z

Dr Gunni vitnar í sjálfan Feitabjörn í dag.

Tilefnið er stórsnjöll tilllaga um nafn að nýja monstrúminu við hafnarbakkann.

SPILABORGIN.